विश्वमा कोरोनाको नयाँ रकर्ड : दुई लाख ३० हजार ३ सय ७० जनामा पुष्टि

जनता भ्वाइस calendar_today २९ असार २०७७, 12:14 pm

असार २९,

काठमाण्डाै । विश्वमा कोरोना भाइरस सङ्क्रमितको संख्याले फेरि नयाँ रेकर्ड बनाएको छ ।कोरोना भाइरसको महामारी विश्वभर तीव्र गतिमा फैलंदै जाँदा दैनिक सङ्क्रमितको संख्याले नयाँ कीर्तिमान बनाउँदै गएको छ । हिजो मात्रै विश्वभर दुई लाख ३० हजार ३ सय ७० जनामा कोरोना भाइरसको सङ्क्रमण पुष्टि भएको विश्व स्वास्थ्य संगठनले जनाएको छ ।

एकै दिन नयाँ सङ्क्रमित थपिएको यो अहिलेसम्मकै धेरै हो । यसअघि दुई लाख २८ हजार १८६ जनामा सङ्क्रमण पुष्टि भएको थियो । अमेरिका तथा दक्षिण पूर्वी एसियाली देशमा सङ्क्रमण तीव्र हुँदा दैनिक थपिने सङ्क्रमितको संख्या धेरै भएको संगठनले जनाएको छ ।

हिजो अमेरिकामा एक लाख ४२ हजार, दक्षिण पूर्वी एसियामा ३३ हजार, यूरोपमा १८ हजार, अफ्रिकामा १७ हजार तथा पूर्वी भूमध्यसागरमा १५ हजार भन्दा बढी सङ्क्रमित थपिएका छन् ।

हिजो विश्वभर कोभिड–१९ बाट पाँच हजार २ सय ८५ जनाको ज्यान गएकोमा अधिकांश उत्तर तथा दक्षिण अमेरिकी देशका रहेको डब्लुएचओले जनाएको छ । विश्वभर सङ्क्रमितको सख्या १ करोड ३० लाखभन्दा धेरै पुगेको वल्डोमिटरले जनाएको छ ।file Photo

तपाईको प्रतिकृया दिनुहोस्

जनता भ्वाइस

लेखकबाट थप समाचार add

समाचारबाट थप

न्यायका लागि सर्वोच्च पुगेकी विनु गेटबाटै प्रहरीको नियन्त्रणमा

नवनिर्वाचित सांसदलाई प्रमाणपत्र वितरण

रामेछापको समग्र विकासमा एक ढिक्का भएर लाग्ने निर्वाचित प्रतिनिधीको प्रतिबद्धता

दोलखाका १० मतदान केन्द्रमा मंसिर १५ गते पुनः निर्वाचन

प्रधानमन्त्री देउवासँग प्रचण्ड र माधव नेपालको छुट्टाछुट्टै भेटवार्ता