भाद्र ११, सिन्धुलीमाढी ।
सिन्धुलीमा निर्माणधिन ५० बेडको आइसोलेसन भवन निर्माणको लागि सहयोग रकम जुट्न थालेको छ ।
आइसोलेसन भवन निर्माण उपभोक्ता समितिका अध्यक्ष अशोक श्रेष्ठले हालसम्म कमलामाइ नगरपालिकाले ३ लाख, गोलन्जोर गाउँपालिकाले ५ लाख सहयोग गरेको बताउनुभएको छ । नेपाल रेडक्रस सोसाइटीका जिल्ला सभापति तथा भवन निर्माण उपभोक्ता समितिका अध्यक्ष श्रेष्ठका अनुसार आज दक्षिणकाली सामुदायिक वन उपभोक्ता समूह (कमलामाई नगरपालिका–५) एक लाख एक हजार १११ रूपैयाँ, नेपाल रेडक्रस सोसाइटी (माढीबजार उपशाखा)बाट ५१ हजार, शान्ति चर्च सिन्धुलीबाट ५१ हजार १०० रूपैयाँ प्राप्त भएको छ । यस्तै, रामजी सुवेदी (भिमस्थान) पाँच हजार १०० रूपैयाँ, महिला जागरण टोल विकास संस्था २ नम्बर बजार २० हजार, सिन्धुलीका सहकारीहरुमा आवद्ध कर्मचारीहरुबाट १० हजार रुपैँया प्राप्त भएको जनाइएको छ ।
भवन निर्माणका लागि आबस्यकिय सामाग्री सुुनकोशी गाउँपालिकाको कार्यालयले १२ टिप गिट्टि र १४ टिप बालुवा, क.न.पा–७ का रामबहादुर रानामगरबाट २५ टिप ढुंगा, रसुवा कन्ट्रक्सनबाट ४ हाइबा बालुवा, गोलन्जोर गाउँपालिका ५ का रामकाजी थापाबाट ५० बोरा सिमेण्ट, बिजयश्री हार्डवयर ढुङ्ग्रेबासबाट २ बण्डल जस्तापाता सहयोग भएको अध्यक्ष श्रेष्ठको भनाई छ ।
आईसोलेसन अस्पताल निर्माणका लागि बागमती प्रदेशको सामाजिक विकास मन्त्रालयले ९७ लाख रुपैयाँ सहयोग गरेको छ । भने जिल्लाका स्थानीय तह, सामाजिक संघसंस्था र सहयोगि लगाएत सँगको साझेदारिमा अस्पताल निर्माण कार्य भैरहेको छ । पछिल्लो समय सिन्धुलीमा (कोभिड–१९) को संक्रमण बढेसँगै आइसोलेसन वेड अभाव हुने भएपछि ५० वेडको आइसोलेसन अस्पताल निर्माण सुरु गरिएको हो । कमलामाई नगरपालिका–६ स्थित शिबनगरमा ३ करोड ३६ लाख रुपैयाँको लागतमा आइसोलेसन अस्पतालको निर्माण कार्य तीव्रगतिमा भैरहेका छ ।
उक्त आइसोलेशन भवन निर्माणमा वाग्मति प्रदेस सांसदहरु राजन दाहाल, प्रदिप कटुवाल तथा विनोद खड्का जिल्लाका नेता तथा कार्यकर्ता, स्थानिय लगाएतको सक्रिय सहभागिता र सहयोगमा तिव्र गतिमा निर्माण भैरहेको छ ।
तस्वीर साभार : गुगल
