भदौ १८ । जनता भ्वाइस संवाददाता, रामेछाप
मन्थलीमा आज एक युवकले आत्महत्या गरेका छन् । जिल्लाको लिखु तामाकोसी गाउँपालिका वडा नं. ७ स्थायी ठेगाना भई हाल रामेछाप पोलिटेक्निकल इस्टिच्युटमा भेटेरिनरी पढ्दै गरेका १७ वर्षिय उमेश बुढाथोकीले आत्महत्या गरेका हुन् ।
बुधबार बेलुका मन्थलीको मदन आश्रित चोक नजिकै एक घरमा हाउस वायरिङ् गरेका बुढाथोकी बेलुका आइ आफ्नो डेरामा सुतेको र बिहान उठ्दा आफ्नै डेरामा रहेको पङ्खामा झुण्डिएको अवस्थमा भेटेको बाबु ज्ञानबहादुर बुढाथोकीले बताए ।
जनता भ्वाइससँग कुराकानी गर्दै बाबु ज्ञानबहादुरले भने, ‘बेलुका कामबाट फर्किएपछि सँगै छुटेका हौंँ । म र उमेश बस्ने ठाउँ अलग अलग भएकोले ऊ आफ्नो डेरातर्फ गएको र बेलुका मैले खाना खाए नखाएको सोध्दा ‘खाना बनाउँदै छु । आज तरकारी गुन्द्रुक पकाउँछु । भोलि चाहिँ तरकारी किन्नु पर्छ ।’ सम्म भनेको थियो । बिहान उसलाई पटक पटक फोन गर्दा उसको फोन नउठेकोले डेरामा हेर्न आउँदा यस्तो अवस्थामा भेटें ।’
बुढाथोकीले खादाको पासो लागएर आत्महत्या गरिएको घटनास्थलमा हेर्दा देखिन्छ । ग्याँस सिलिण्डरमा चढी पङ्खामा पासो लागेको अवस्थामा घटनास्थलको प्रकृतिमा देखिएको थियो ।
बुढाथोकीले आत्महत्या गर्नुपूर्व सुसाइट नोट समेत छोडेको प्रहरीले जनाएको छ । सुसाइट नोटको आधारले हेर्दा उनले आत्महत्या गर्नुको कारण कसैको माया प्रेमको कारण रहेको अनुमान छ ।
