बैशाख १०, नवलपरासी ।
असंवैधानिक कदम मार्फत प्रतिनिधिसभा विघटन गरेको भन्दै नेपाल विद्यार्थी सघ पश्चिम नवलपरासीले प्रधानमन्त्री केपी शर्मा ओली र राष्ट्रपति विद्यादेवि भण्डारीको पुत्लादहन गरिएको छ ।
असंवैधानिक तरिकाले गरेको प्रतिनिधिसभा विघटनले मुलुकलाई थप जटिल अवस्थामा पुर्याएको भन्दै नेपाल विद्यार्थी सघ पश्चिम नवलपरासीले जिल्लाका ७ वटै पालिकामा प्रधानमन्त्री र राष्ट्रपतिको विरोध गर्दै पुत्लादहन गरेको हो ।
नेपाल विद्यार्थी संघ निबर्तमान जिल्ला सभापति राजन भन्डारी को नेतृत्वमा विरोध कार्यक्रम भएको हो ।
रामग्राम र सुनवल नगरपालिकामा नेविसंघका जिल्ला नेता अर्जुन पौडेल, बिकास घिमिरे र इमामुल अलि नेतृत्व, सरावल गाउँपालिकामा रियाज अलीको नेतृत्व, सुस्ता गाउँपालिकामा राज कुमार कुशवहाको नेतृत्व, प्रतापुर गाउँपालिकामा अनोज यादव र अजाज अन्सारिको नेतृत्व र बर्दघाट नगरपालिकामा केदार चौधरी र कमल बश्यालको नेतृत्वमा बिरोध कार्यक्रम गरिएको हो ।
नेपाली काङ्ग्रेसका जिल्ला सभापतिले आइतबार एक विज्ञप्ति जारि गर्दै बर्तमान सरकारको कदम विरुद्ध आन्दोलनका लागि तयार रहन जिल्लाका पार्टी कार्यकर्ता र सुभेच्छुकलाई अनुरोध गरेका थिए । सोहि अनुरोध अनुसार नेविसंघले सोमबार जिल्लाका सबै पालिकामा सरकार बिरुद्ध आन्दोलनमा उत्रिएको हो ।
