रामेछाप । जिल्ला प्रसाशन कार्यालय रामेछापले राती ८ बजे पछी देउसी भैलो नखेल्न अनुरोध गरेको छ ।विश्वव्यापी माहामारीको रुपमा फैलिएको नयाँ भेरियन्ट सहितको कोभिड–१९संक्रमण नियन्त्रण नभइ सकेको अवस्थामा स्वास्थ्य सतर्कता अपनाएर मात्र देउसी भैलो खेल्न आग्रह समेत जिल्ला प्रसाशनले गरेको छ । स्वास्थ्य सर्तकता अपनाएपनी रातको ८ बजे पछी भने देउसी भैलो खेल्नेकाम भने नगर्न भनेको छ । सुचनामा पटका, भुइचम्पा, आतिशवाजी लगाएतका विस्फोटकजन्य बस्तुहरुको उत्पादन ओसार पोसार गर्ने बिक्रि गर्ने वा प्रयोग गर्ने काम समेत नगर्न सुचनामा भनिएको छ । मनोरञ्जन गर्ने उदेश्यले मदिरा सेवन गर्ने जुवातास खेल्ने जस्ता कार्य गर्ने वा गराएको पाए कानुन अनुसार कार्वाही गर्ने भन्दै प्रसाशनले सुचना जारी गरेको छ ।
