रामेछापको ८ वटा स्थानीय तहले कोरोना भाइरस (कोभिड–१९) को दोस्रो लहरमा २ करोड ५५ लाख ५९ हजार ४ सय ९५ रुपैंया खर्च गरेको छ । हुराडेक नेपालले एक कार्यक्रमको आयोजना गरी रामेछापका ८ वटा स्थानीय तहले कोरोना भाइरस (कोभिड–१९) को दोस्रो लहरमा सो रकम बिभिन्न शीर्षकमा खर्च गरेको प्रतिवेदन सार्वजनिक गरेको हो । हुराडेक नेपालले सार्वजनिक गरेको प्रतिवेदन अनुसार सुनापती गाउँपालिकाले सबै भन्दा धेरै ६० लाख ८० हजार खर्च गरेको छ भने उमाकुण्ड गाउँपालिकाले सबै भन्दा कम २ लाख ५० हजार मात्र खर्च गरेको छ ।
प्रतिवेदन अनुसार रामेछाप नगरपालिकाले क्वारेन्टिन÷आइसुलेशन ब्यवस्थापनमा ४४ हजार ५ सय ७५, मानव स्रोत परिचालनमा २ लाख ५८ हजार १ सय, यातायात तथा जनचेतना कार्यक्रममा ५ लाख ३० हजार ३ सय ७०, स्वास्थ्य सामाग्री खरिदमा २२ लाख ४३ हजार ४ सय ९५, शव ब्यवस्थापनमा ३५ हजार २ सय ५६, बिविध ४५ हजार ४ सय २५ गरी जम्मा ३१ लाख ५७ हजार २ सय २१ रुपैंया खर्च गरेको छ ।
मन्थली नगरपालिकाले खाजा खानामा ३५ हजार ६ सय ४५, स्वास्थ्य सामाग्री खरिदमा ७ लाख ६६ हजार ६ सय ५०, कोभिड अस्पताल सञ्चालन जनशक्तिमा ४० हजार ५ सय, औषधी ब्यवस्थापनमा ४ लाख ९८ हजार ६ सय ९५, स्वास्थ्य सामाग्री ब्यवस्थापनमा १ लाख, स्वास्थ्यकर्मी भत्ता १ लाख ८५ हजार ४ सय, कर्मचारी खाजा खानामा १ लाख ६ सय ६५, हेल्प डेस्कमा ४० हजार ७ सय ५०, कर्मचारी जोखिम भत्तामा १० लाख ६४ हजार ८ सय १७ गरी २८ लाख ३३ हजार १ सय २२ खर्च गरेको प्रतिवेदनमा उल्लेख छ ।
त्यस्तै गरी खाँडादेवी गाउँपालिकाले आइसुलेशन निर्माणमा ६ लाख ३३ हजार, मानव स्रोत परिचालनमा ७० हजार, यातायात तथा जनचेतना कार्यक्रममा १ लाख ८० हजार स्वास्थ्य सामाग्री खरिदमा २९ लाख ६५ हजार ८ सय २०, आइसुलेशन ब्यवस्थापनमा ४ लाख ६७ हजार १ सय ११, गरी ४३ लाख १३ हजार ९ सय ३१ खर्च गरेको छ ।
गोकुलगंगा गाउँपालिकाले खाजा खानामा ४ लाख ६८ हजार एन्टिजेन किट खरिदमा ५ लाख, स्वास्थ्य सुरक्षा सामाग्रीमा ५ लाख, भत्तामा १३ लाख गरी जम्मा २८ लाख २५ हजार २ सय २१ खर्च गरेको प्रतिवेदनमा उल्लेख छ ।
सुनापती गाउँपालिकाले आर्थिक सहयोग÷राहतमा ४ लाख १५ हजार, कोभिड अस्पतालमा ९ लाख ५५ हजार, क्वारेन्टिन÷आइसुलेसनमा ८ लाख २० हजार सवारी ढुवानी÷विविध ११ लाख ४० हजार, स्वास्थ्य सामाग्री ३५ लाख ५० हजार गरी जम्मा ६० लाख ८० हजार खर्च भएको प्रतिवेदनमा उल्लेख छ ।
लिखुतामाकोशी गाउँपालिकामा कोभिड अस्पताल खर्च ६ लाख, क्वारेन्टिन÷आइसुलेसनमा ६ लाख ५० हजार, सवारी÷ढुवानी÷एम्बुलेन्स तर्फ ६ लाख ५० हजार प्रोत्साहन भत्ता ८४ हजार ६ सय, स्वास्थ्य सामाग्रीमा २१ लाख १५ हजार ४ सय र अन्य विविध खर्चमा १० लाख ५० हजार गरी जम्मा ५१ लाख ५० हजार खर्च गरेको जनाएको छ । उमाकुण्ड गाउँपालिकाले भने एकमुष्ठ २ लाख ५० हजार खर्च गरेको प्रति वेदनमा उल्लेख छ । त्यस्तै गरी दोरम्बा शैलुङ गाउँपालिकाले पनि क्वारेन्टिन, खाजा खाना तथा स्वास्थ्य सामाग्री भनेर एकमुष्ठ ९ लाख ५० हजार खर्च गरेको बिबरण सार्वजनिक गरेको छ ।
