रामेछाप – दोश्रो राष्ट्रिय माझी गोल्डकप फुटबल प्रतियोगिता माझी उत्थान संघ रामेछापको आयोजनामा बुधबार देखि रामेछापको मन्थलीको कुनौरीमा सुरु भएको छ । ६ दिन सम्म संचालन हुने उक्त प्रतियोगितामा विभिन्न २० जिल्लाका २२ वटा टिमले सहभागिता रहेको छ । प्रतियोगिताको युवा तथा खेलकुद मन्त्री महेशचन्द्र जंग गहतराजले बुधबार मन्थलीमा उद्घाटन गरेका छन् । उद्घाटनको क्रममा मन्त्री गहतराजले माझीहरुले आफ्नो भाषा, संस्कृति र सभ्यतालाई बचाई राख्नका लागि गरेको कार्य उल्लेखनिय भन्दै समुदायको वृहत्तर विकासका लागि अघी सारेका योजनाहरुमा नेपाल सरकारले सक्दो सहयोग गर्ने वताए । उनले खेलकुदको माध्यमबाट राष्ट्रको विकास र पहिचान बढाउनका लागि माझी समुदायको योगदान रहनेमा विश्वास व्यक्त गरे ।
२०७६ साल देखि माझी राष्ट्रिय गोल्डकप फुटबल प्रतियोगिता आरम्भ गरीएको थियो । मकवानपुर जिल्लामा संचालन भएको पहिलो प्रतियोगितामा रामेछाप जिल्ला माझी उत्थान संघ विजयी भएको थियो ।
दोश्रो राष्ट्रिय माझी गोल्डकप फुटबल प्रतियोगिता सुरु
Leave a Reply
