रामेछाप । आफ्नै घरमा अवैध रुपमा लुकाइछिपाइ राखेको सालकको ३६६ ग्राम खपटासहित दुई युवालाई प्रहरीले गए राती पक्राउ गरेको छ । पक्राउ पर्नेमा मन्थली नगरपालिका– ४ च्याउकेठाँटी बस्ने वर्ष २६ का मनोज थापा र वर्ष २१ का अशोक थापा रहेका छन् । उनीहरुले सालकको खपटा घरमा लुकाई राखेको भन्ने सूचनाको आधारमा प्रहरी चौकी सालु र जिल्ला प्रहरी कार्यालय रामेछापबाट खटी गएको प्रहरीको टोलीले उक्त सामानसहित युवालाई पक्राउ गरेको हो ।
प्रहरीले युवाहरुले लुकाई छिपाइ राखेको ३६६ ग्राम सालकको खपटासहित बुधवार आवश्यक कारवाहीको लागि चिसापानी डिभिजन वन कार्यालय मन्थलीमा पठाइएको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले जानकारी दिए ।
सालकको ३६६ ग्राम खपटासहित दुई युवा पक्राउ
