रामेछाप,२५ पुष । तेस्रो मन्थली मेयर कप खुल्ला पुरुष भलिवल प्रतियोगिताको उपाधि मन्थली नगरपालिका वडा नं १ ले आफ्नो पोल्टोमा पारेको छ । आइतवार सम्पन्न फाइनलखेलमा वडा नं १ मन्थलीले वडा नं ११ नाटिलालाई २५ –१४, २५ –१८ र २५ –१९ को सोझे सेटले पराजित गरी प्रथम भएको हो ।
मन्थली नरपालिका वाडा नं ११ नाटिला दोस्रो, वडा नं ४ सालु तेस्रो र वडा नं १० ले सान्त्वना पुरस्कार प्राप्त गरेका छन् । प्रथम,दितिय,तृतिय र सान्त्वना हुने समुहलाई क्रमश एक लाख, पचहत्तर हजार, पचास हजार र पच्चिस हजार सहित शिल्ड मेडल र प्रमाणपत्र हस्तान्तरण गरिएको थियो । सो अवसरमा मन्थली न पा वडा नं १ का झलक माझी उत्कृष्ट खेलाडी र वडा नं ११ का नारायण श्रेष्ठ उत्कृष्ट स्पाइकर घोषित भएका थिए ।
