६ फागुन, काठमाडौं । सत्तारुढ गठबन्धनले अमेरिकी सहयोग परियोजना एमसीसी संसदमा टेबल गर्नै सहमति नदिएपछि प्रधानमन्त्री शेरबहादुर देउवाले प्रमुख विपक्षीसँग सम्वाद अगाडी बढाएका छन् ।
सत्तारुढ चार दलका शीष नेताहरु सँगको बैठकमा सहमती नजुटेपछि बैठक लगतै पत्नी आरजु राणासहित बालकोट पुगेका देउवाले एमाले अध्यक्ष केपी शर्मा ओलीसँग लामो छलफल गरेका छन् । बिहीबार नै सत्तारुढ चार दलको बैठकअघि कांग्रेस नेता मिनेन्द्र रिजालले एमाले अध्यक्ष केपी शर्मा ओलीलाई थिए । सूचना प्रविधि तथा सञ्चारमन्त्री ज्ञानेन्द्रबहादुर कार्की पनि एमाले नेताहरु निरन्तर सम्पर्कमा छन् ।
एमाले नेताहरु एमसीसी पास गर्न सकारात्मक देखिएका छन् । तर शर्त छ, कांग्रेसले माओवादी केन्द्र र एकीकृत समाजवादी सम्मिलित गठबन्धन तोड्नुपर्छ । देउवा गठबन्धन तोडेर आए सरकारमा सहभागी हुने या सहमतिमा प्रतिनिधिसभा विघटन गरेर आउँदो जेठमा अर्ली इलेक्सन गर्ने विषयमा छलफल गर्न ओली खुल्ला रहेको बालकोट स्रोतले बताएको छ ।
एमाले अध्यक्ष ओलीले कांग्रेस नेताहरुलाई ‘तपार्इँहरु कहाँ जाने तय गर्नुस्’ भन्ने गरेका छन् ।
