६ फागुन, काठमाडौं । नेपाली कांग्रेसका महामन्त्री तथा प्रतिनिधि सभा सदस्य गगनकुमार थापाले एमसीसीमा सहमति नभए गठबन्धन टुट्ने निश्चित भएको बताएका छन् ।
आजको संसद बैठक सकिएपछि सञ्चारकर्मीहरूसँग कुरा गर्दै थापाले संकल्प प्रस्ताव पास गर्ने, आफ्नो रोजाइमा मत दिनेलगायतका विकल्पमा छलफल भइरहेको बताए ।
उनले भने, ‘हाम्रोबीचमा कुरा मिल्यो भने गठबन्धन चल्छ , हाम्रो बीचमा कुरा मिलेन भने यो गठबन्धन चल्दैन ।’
उनले भने एमसीसीलाई चुनावपछि धकेल्ने प्रस्ताव हामीलाई स्वीकार्य छैन । भन्छन्, ‘यो अहिले राष्ट्रघाति हो भने चुनावपछि पनि राष्ट्रघाति हुन्छ ।’
