रामेछाप । खाँडादेवी गाउँपालिकामा एमाले छाडेर नेपाली कांग्रेस प्रवेश गर्नेको लर्को लागेको छ । १४ औँ महाधिवेशन पछि भएको नेपाली कांग्रेस रामेछापको सातौ बैठकमा १ सय जना भन्दा बढि नेपाली कांग्रेस प्रवेश गरेका छन् । खाँडादेवी गाउँपालिका वडा नं. ३ सित्खामा बसेको बैठकको अवसरमा उनिहरू एमाले परित्याग गरि नेपाली कांग्रेसमा प्रवेश गरेका हुन् ।
खाँडादेवीका एमाले नेता दुर्गाबहादुर कार्कीको नेतृत्वमा प्रगतिशिल मावि का अनेरास्ववियु कमिटिका अध्यक्ष राम श्रेष्ठ सहित एमाले परित्याग गरेर नेपाली कांग्रेसमा प्रवेश गरेको नेपाली कांग्रेस रामेछापका सभापती पूर्णबहादुर तामाङ (कान्छाराम)ले बताए । उनले भने हामीले हरेक पटक फरक स्थानमा बैठक राख्ने गरेका छौँ । हरेक पटक नेपाली कांग्रेसलाई माया गरेर पार्टी प्रवेश गरिरहनु भएको छ । रामेछापका जनताले नेपाली कांग्रेस प्रति देखाउनु भएको मायाले आगामी चुनाबमा हाम्रो जीत निश्चित छ ।
त्यस्तै खाँडादेवी गाउँपालिका कै लालबहादुर तामाङ पनि नेपाली कांग्रेस प्रवेश गरेको नेपाली कांग्रेस रामेछाप जिल्ला कार्य समिति सदस्य सुरेश सुबेदीले बताए। उनका अनुसार उनि नेकपा एकिकृत समाजवादी त्यागेर नेपाली कांग्रेस प्रवेश गरेका हुन ।
