रामेछाप । नगर प्रमुखले एकलौटी बिकास रकम बाडफाड गरेको भन्दै कार्यपालीकाको बैठकमै सदस्यहरुले माईन्युट च्यातेका छन् । मन्थली नगरपालिकाका प्रमुख रमेशकुमार बस्नेतले चुनावलाई लक्षित गरेर आफूखुसी आफ्नो कार्यकर्तालाई बाढेको सदस्यहरूको आरोप छ ।
मन्थली नगरकार्य पालीकाको बैठकमा मेयरको कार्यशैली असन्तुष्टी जनाउँदै कार्यपालीकाको सदस्यहरुले बैठक सुरु हुने बित्तिकै गत बैठकको समिक्षा गर्ने र त्यसपछि मात्र बैठक अगाडि बढ्नु पर्ने अडान लिएपछि दिनभर बैठक स्थलमा हो हल्ला हुनुका साथ अबरुद्ध भएको थियो ।
नेपाल कम्युनिष्ट पार्टी समाजबाजीका जिल्ला अध्यक्ष समेत रहेका मन्थली नगरपालिकाका मेयर रमेश कुमार बस्नेतले आफ्नो पार्टी संघ र प्रदेशमा पनि संलग्न भएपछि आएको करिब करिब ५ करोड रुपैयाँलाई २ लाख भन्दा माथिका टुक्रे योजना मार्फत आगामी स्थानिय निर्वाचन लक्षित बनाएर आफना आसेपासे र कार्यकर्तालाई मनपरि ढंगले वितरण गरेको जानकारीका आधारमा पालिकाका सदस्यहरुले माईन्युट र आबश्यक कागजाज झिकाउन माग गरेका थिए ।
विषेशगरि नेकपा माओबादी निकट वडाध्यक्ष र कार्यपालीकाका सदस्यहरुले यस अघि भए गरेको केहि कामको प्रमाण र माईन्युट ल्याएर समिक्षा नगरेसम्म बैठक अघि बढ्न नदिने अडान लिएपछि बैठकमा दोहोरो भनाभन र हो हल्ला समेत भएको थियो । जसकाकारण दिनभर जसो बैठक अरुद्धनै भयो ।
वडा अध्यक्ष र कार्य पालीकाका सदस्यहरुले आधार र प्रमाण मागि गरेको अबस्थामा नगर प्रमुखले माईन्युट र कागज जुटाउन समय लाग्ने भन्दै दिनभरिनै टारी नै रहे । वडा नं ५ का वडा अध्यक्ष रामबहादुर कार्कीले आफु पनि कानूनका विद्यार्थि भएको भन्दै प्रजिअ दिपक पहाडीलाई फोन गरि बैठकको अबरोध र संभाबीत कानुनी उपचारको बारेमा जानकारी माग गरेका थिए ।
उनिहरुको नियमित अडान र होहल्लापछि प्रमुख प्रशासकिय अघिकृत लिलाराज पौडेलले पनि बैठकको अबरुद्ध्ता र मागेको कागजाजका बारेमा प्रजिअलाई जानकारी गराएका थिए । जबाफमा आफुले कार्यपालीकाको सबालहरु आफनो अधिकार क्षेत्र भित्र नपर्नै भन्दै कानुनको परिधि भित्र रहेर प्रकया अगाडि बढाउन जानकारी गराएको प्रजिअ दिपक पहाडिले जानकारी दिए । उनले भने– पछि मैले बैठकमा माईन्युटनै च्यातिएको खबर मात्र आफुले सुनेको हुँ । त्यसवाहेक आफुलाई थप जानकारी नभएको बताए ।
चैत २९ गते १२ बजेबाट बैठक शुरु भएको भए पनि दिनभरको अबरोध भएपछि बेलुकी ४ बजे पछि मात्र माईन्युट झिकाईएको थियो । माईन्युटमा यस अघिको बैठकको पुछारको हस्ताक्षरलाई छोपेर कारीब ५ करोड बजेटका ९० योजना ४ वटा पनामा टाँस गरि बद्नियत पुर्ण र जालसाजी तरिकाले नगर प्रमुख बस्नेतले काम गरेको पाएपछि कार्यपालिकाका सदस्यहरुले बैठकमा नै माईन्युट च्यातेका थिए ।
उनीहरुले यस बारेमा कानुनी अबस्था र पालीकाका सदस्यहरुको अधिकारका बारेमा पनि जानकारी गराएपछि नगर प्रमुख बस्नेतले सबै काम आफुले मात्र गरेको र यसमा प्रशासकिय अधिकृतको समेत केहि दोष नभएको भन्दै माफी मागे पछि आफुहरु पछाडी हटेको एक वडाध्यक्षले बताए । उनले यस बारेमा पुन छलफल गरेर मात्र अघि बढ्ने सहमति भएको पनि जानकारी दिए ।
