रामेछाप । मन्थली नगरपालिकाका प्रमुख लब श्रेष्ठले सत्य तथ्य र खोजमुलक समाचारका लागि पत्रकारले सक्रिय भूमिका निर्वाह गर्नु पर्ने बताएका छन् ।
नेपाल पत्रकार महासंघ रामेछाप जिल्ला शाखाले शुक्रबार देखि मन्थलीमा आयोजना गरेको अनलाइन प्रविधिमा आधारित तालिमको उद्घाटन गर्दै श्रेष्ठले यस्तो बताएका हुन् । संचार माध्यम र त्यसमा सम्लग्न पत्रकाहरुले निमुखाको साहारा वन्नु पर्ने बताउँदै उनले भने- सत्य तथ्य र खोजमुलक समाचारका लागि पत्रकारले सधैंब सक्रिय भूमिका निर्वाह गर्नुपर्छ।
‘
मन्थली नगरपालिकाले निर्वाचनमा जुनसुकै पार्टीबाट जितेर आएपनि साझा भावनाका साथ काम गर्दै आएको वताउदै उनले नगरपालिकाले कृषि, शिक्षा, स्वास्थ्य र पर्यटनलाई मुख्य ध्यान दिएर काम गर्दै आएको वताए । अझैपनि आधारभुत विद्यालयको नतिजाले आफुहरुलाई सन्तुष्ट नपारेको बताउँदै उनले भने – अव तपाईहरुको कलम शैक्षिक सत्रको सुधारका लागि चल्नुपर्छ । उनले पत्रकार र संचार क्षेत्रको विकासका लागि मन्थली नगरपालिका सहयोग गर्न तयार रहेको उनले वताए ।
नेपाल पत्रकार महासंघ जिल्ला शाखा अध्यक्ष बद्री नयांघरेको अध्यक्षतामा भएको उक्त कार्यक्रममा नेपाल पत्रकार महासंघ बागमति प्रदेशका महासचिव कृष्ण सारुमगर, नेपाल प्रेस युनियनका जिल्ला अध्यक्ष अप्रिल अधिकारी र प्रेस चौतारीका जिल्ला अध्यक्ष नबराज श्रेष्ठले पत्रकारीतामा अनलाईन प्रविधिको शिप प्रदान गर्ने कार्यले जिल्लाको पत्रकारीता क्षेत्रको व्यवसायीक विकासमा सहयोग पुग्ने वताए ।
५ दिन सम्म चल्ने उक्त तालिममा रामेछाप जिल्लामा क्रियासिल करिव २५ जना पत्रकारहरुको सहभागिता रहेको छ । तालिमका लागि नेपाल पत्रकार महासंघ बागमति प्रदेश र मन्थली नगरपालिकाले सहयोग गरेका छन् ।
