रामेछाप । नेपाल पत्रकार महासंघले सुरु गरेको पत्रकार शुद्धिकरण अभियानलाई आफनो संगठनले सफल पारेरै छाड्ने प्रेस चौतारी नेपालका केन्द्रीय अध्यक्ष गणेश बस्नेतले दावी गरे । बस्नेतले भने- एकै ब्यक्ती सरकारी जागिरे ,शिक्षक,राजनितिज्ञ र पत्रकार भएर काम गर्दा सम्बन्धित कार्य क्षेत्रमा काम चोर प्रवृत्ति हावी सदस्यता शुद्धिकरण अभियान निर्म ढंगले हुनै पर्छ । प्रेस चौतारी नेपाल रामेछापले १३ औँ वार्षिक साधारण सभाको अवसरमा उनले यस्तो बताएका हुन ।
नेपाल पत्रकार महासंघका केही जिल्ला शाखाहरुले सदस्यता शुद्धिकरणको नाममा एकलौटि गरेको सिफारीसका गतिविधिलाई सबै संगठनहरुको साझा प्रयासमा केन्द्रीय कार्य समितिले किनारा लगाउने प्रमुख अतिथि समेत रहेका अध्यक्ष बस्नेतले बताए ।
प्रेस चौतारी रामेछापका अध्यक्ष नवराज श्रेष्ठको अध्यक्षतामा भएको बार्षिक साधारणसभामा नेकपा एमाले रामेछापका अध्यक्ष एवं बागमती प्रदेश सभा सदस्य आनन्दकुमार श्रेष्ठले प्रेस चौतारी नेपालले पत्रकारीता र परिवर्तनका क्षेत्रमा पुर्याएको योगदानको बारेमा चर्चा गरे ।
मन्थली घोषणापत्र जारी गर्दै सम्पन्न भएको साधारण सभाले नेपाल पत्रकार महासंघको सदस्यता शुद्धीकरण अभियानलाई स्वागत गरेको छ । पत्रकार महासंघ सदस्यता शुद्धीकरण मापदण्ड–२०७९ अक्षरशः निर्मम ढङ्गले कार्यान्वयन गर्नुपर्ने लगाएतका मागहरु घोषणा पत्रमा समावेस गरिएका छन् ।
।
