रामेछाप । उमाकुण्ड गाउँपालिकाले आर्थिक वर्ष २०८०/८१ को लागि ६० करोड बढीको बजेट ल्याएको छ । पालिकाले आगामी नीति तथा कार्यक्रम सार्वजनिक गर्दै बजेट पनि ल्याएको हो ।
शुक्रवार पालिकाको सभा हलमा गाउँपालिकाकी उपाध्यक्ष सावित्री सुनुवारले पालिका अध्यक्ष एवं सभाका अध्यक्ष शेरबहादुर सुनुवार र प्रमुख प्रशासकीय अधिकृत दिल कृष्ण श्रेष्ठ सहित ७ वटै वडाका वडा अध्यक्ष, कार्यपालिका सदस्य, कर्मचारी र पत्रकारको उपस्थितिमा आगामी आर्थिक वर्ष २०८०/८१ को लागि कूल ६० करोड ५८ लाख ६३ हजार १ सय रुपैयाँको बजेट सार्वजनिक गरेकी हुन् ।
पालिकाले संघीय र प्रदेश विशेष अनुदान तर्फ कुल रु १ करोड ३० लाख प्राप्त हुने अनुमान गरेको उपाध्यक्ष सुनुवारले बताइन् । आन्तरिक तर्फ रु ६२ लाख २० हजार, बाह्य आम्दानी तर्फ रु ५८ करोड ३४ लाख ३२ हजार १ सय, प्रधानमन्त्री रोजगार कार्यक्रम तर्फ रु ६२ लाख ११ हजार, गाउँपालिका मौज्दात तर्फ रु १ करोड गरी बजेट अनुमानित गरिएको बजेट सार्वजनिक गर्दै उपाध्यक्ष सुनुवारले बताइन् ।
पालिकाले वडा नं १ गुम्देललाई ४७ लाख, वडा नं २ बाम्ती भण्डारलाई ४८ लाख, वडा नं ३ कुँबुँकाँस्थलीलाई ४७ लाख, वडा नं ४ प्रितीलाई ४७ लाख, वडा नं ५ प्रितीलाई ४२ लाख, वडा नं ६ गुप्तेश्वरलाई ४२ लाख र वडा नं ७ भुजीलाई ४५ लाख बजेट विनियोजन गरेको छ।
