रामेछाप। मातृभुमी नेपाल नामक संस्थाको सहयोगमा माकादुममा ५ हजार कागतीको विरुवा वितरण गरिएको छ । मातृभुमिको सहयोगमा खाँडादेवी गाउँपालिका वडा नम्बर ६ माकादुममा विरुवा वितरण गरिएको हो ।
वडाका नागरिकहरुको आर्थिक समृद्धीमा टेवा पुर्याउने लक्ष्यका साथ कागतीका विरुवा वितरण गरिएको खाँडादेवी गाउँपालिका वडा नम्बर ६ का वडा अध्यक्ष नारायण कार्कीले बताए । मंगलबार विहान मातृभूमीसंगको सहकार्यमा प्रति परिवार १० देखी २० वटा विरुवा उपलब्ध गराएको वडा अध्यक्ष कार्कीले बताए ।
त्यस्तै मातृभुमि नेपालका जिल्ला उपाध्यक्ष युवराज श्रेष्ठले केन्द्रले ६ हजार ७ सय ४३ वडामा ६७ लाख ७६ हजार ९ सय ४४ वटा कागतीको विरुवा वितरण गर्ने लक्ष्य लिएको र सोहि अनुसार जिल्लाको अन्य वडाहरुमा समेत वितरण गर्ने तयारी भएको बताए । श्रेष्ठले भने – संस्थाले पहिलो पटक खाँडादेवी गाउापालिका वडा नम्बर ६ माकादुम संगको सहकार्यमा ५ हजार कागतीको विरुवा वितरण गरेको छ । अब हामी अन्य वडामा पनि माग भए अनुसारका विरुवा वितरण गर्ने छौं । त्यसका लागी रामेछापलाई सहयोग गर्न केन्द्र तयार छ“ ।
केन्द्रिय अध्यक्ष रण बहादुर चन्दका अनुसार – बिरुवा दान नेपालीहरुको महा–अभियान ” भन्ने नाराको साथ नेपाललाई हरियाली नेपाल बनाउन मातृभूमी नेपाल लागेका छ । मानिसको अस्तित्व राख्न प्रकृतिको ठुलो योगदान रहने हुदा भुगोल सुहाउदो विरुवाहरु वितरण गर्दै आईएको छ । मागको आधारमा अन्य वडा हरुमा समेत वितरण गर्न संस्था तयार छ ”।
