रामेछाप । साउनको महिना सुरु भै सक्दा समेत यो वर्ष रामेछाप जिल्लामा जम्मा ४४ प्रतिशत खेतमा मात्रै धान रोपाइँ भएको छ । रामेछाप जिल्लामा जम्मा ४४ प्रतिशत खेतमा मात्रै धान रोपाइँ सम्पन्न भएको कृषि ज्ञान केन्द्र रामेछापले जानकारी दिएको छ ।
कृषि ज्ञान केन्द्र रामेछापका कृषि बिकास अधिकृत मोनिमा योन्जनका अनुसार गत वर्ष यहि अबद्यिमा ५० प्रतिशत रोपाइँ सम्पन्न भएको थियो । यस वर्ष मनसुन ढिला भित्रिएपछि साउन लागिसक्दा समेत करिब ५६ प्रतिशत खेत बाँझै रहेका छन् ।
यस वर्ष वर्षात ढिला हुँदा धान रोपाई ढिला भएको कृषि बिकास अधिकृत योन्जनले बताउनुभयो । रामेछाप जिल्लाभर ७ हजार ८ सय ५९ हेक्टर खेतमा धान रोपाइँ हुँदै आएको छ । जिल्लाका अधिकांश ठाउँहरुमा आकाशे पानीको भरमा धान रापाइँ हुँदै आएको छ ।
