सिन्धुली । सिन्धुली जिल्लाको गोलञ्जोर गाउँपालिकाको प्रमुख प्रशासकीय अधिकृतको जिम्मेवारी दिपेन्द्र पैकराले सम्हालेका छन । पैकरा गोलञ्जोर गाउँपालिकाकै स्वास्थ्य शाखा प्रमुखको रूपमा कार्यरत थिए ।
पैकराले आज शुक्रवार देखि प्रमुख प्रशासकीय अधिकृत भएर गोलञ्जोर गाउँपालिकामा आफ्नो जिम्मेवारी सम्हालेका हुन ।
प्रमुख प्रशासकीय अधिकृत पैकराले विधि र पद्धति भित्र रहेर नागरिकको समस्यालाई केन्द्रमा राखेर आफूसँग भएको अनुभवलाई प्रयोग गर्दै काम गर्ने प्रतिवद्धता व्यक्त पनि व्यक्त गरेका छन् ।
प्रमुख प्रशासकीय अधिकृत पैकरालाई शुक्रवार गाउँपालिका अध्यक्ष शंकर राज बराल, उपाध्यक्ष ज्वाला प्रसाद न्यौपाने (पुकार) लगायतले सफलताको शुभकामना दिँदै सिंगो गाउँकार्यपालिकाले अगाडि सारेका नीति तथा कार्यक्रमलाई सफल बनाउने गरी काम गर्न सुझाब दिएका छन ।
प्रमुख प्रशासकीय अधिकृत पैकरासँग स्थानीय निकाय तथा स्थानीय तह भएपछि पालिका प्रमुख प्रशासकीय अधिकृत भएर काम गरेको अनुभव रहेको छ । पैकराले यस अघि रामेछापको उमाकुण्ड गाउँपालिकाको नि. प्रमुख प्रशासकीय अधिकृतको जिम्मेवारी सम्हाली सकेका छन ।
