रामेछाप । प्रतिनिधि सभा सदस्य एवम् नेपाली काँग्रेस जिल्ला सभापति पूर्णबहादुर तामाङ कान्छारामले निर्माण व्यवसायीले जुनसुकै पार्टीबाट टिकट ल्याए पनि आफूले पार्टीलाई एकातिर राखेर छड्के सहयोग गर्ने बताए । रामेछाप जिल्ला निर्माण व्यवसायी संघको १४ औ साधारण सभालाई सम्बोधन गर्दै कान्छारामले भने – वडा गाउँपालिका, नगरपालिका, प्रदेश, संघ सबै निर्वाचनमा निर्माण व्यवसायीलाई जिताउनु पर्छ । व्यवसायीहरु सबै एकजुट भएर अगाडि बढ्नु पर्छ । जुनसुकै पार्टीबाट निर्माण व्यवसायीले टिकट ल्याए पनि सबैले पार्टी नहेरी जिताउनु पर्छ । निर्माण व्यवसायी नेतृत्वमा पुगेपछि मात्रै नीतिगत कुरा मिलाउन सकिन्छ ।
नेपाल सरकारको अर्थ समिति सदस्य समेत रहेका तामाङले अर्थ समितिमा निर्माण व्यवसायीको हकहितका लागि आफूले सरकारका विभिन्न निकायसँग छलफल गरिरहेको बताए । आफू निर्वाचित भए देखि हालसम्म ४ अर्ब ५० करोड बजेट रामेछापमा ल्याएको र ४ महिना भित्र रामेछापमा १ अर्बको पाँच स्थानमा ठेक्का लगाएको समेत बताए ।
प्रतिनिधि सभा सदस्य एवम् नेपाली काँग्रेस जिल्ला सभापति कान्छारामले रामेछाप जिल्ला निर्माण व्यवसायी संघको भवनमा निर्माणमा समेत विभिन्न निकायसगँको पहलमा सहयोग जुटाउने पनि बताए । उनले भने – यसको लागि म व्यक्तिगत सहयोग पनि गर्नेछु ।
निर्माण व्यवसायीले टिकट ल्याए पार्टीलाई एकातिर राखेर छड्के सहयोग गर्छु– कान्छाराम
Leave a Reply
