रामेछाप। भूपू सैनिक बचत तथा ऋण सहकारी संस्थाको १७ औँ साधारण सभा तथा १८ औ स्थापना दिवस बुधवार सम्पन्न भएको छ । साधारण सभाले टहल बहादुर कार्कीको अध्यक्षतामा नयाँ सञ्चालक समिति चयन गरेको छ । उपाध्यक्ष सचिव र कोषाध्यक्षमा क्रमशः शीवध्वज कार्की,वीर बहादुर खड्का,र कोषाध्यक्षमा थडिन्द्र बहादुर थापा चयन भएका छन् । त्यसैगरि सदस्यहरूमा ईश्वरी कार्की ,कमल बहादुर खत्री,खड्ग बहादुर आले,शान्ता ढकाल र सुनिता पहरी रहनु भएको छ भने लेखा तथा सुपरिवेक्षण समितिमा यम बहादुर बुढाथोकी, कुमार थापा र सम्पूर्ण बुढाथोकी चयन भएका छन् ।
कार्यक्रमको उद्घाटन गर्दै प्रमुख अतिथि मन्थली नगरपालिकाका प्रमुख लव श्रेष्ठले नेतृत्वको अर्कमण्डयताका कारण मुलुकका सहकारीहरू सङ्कटमा पर्दै गएकोमा चिन्ता व्यक्त गरे । उनले भने भूपू सैनिक बचतले जिल्लाका सहकारीहरू मध्य नमुना सहकारीको रूपमा आफूलाई विकास गर्न जरुरी छ ।
संस्थाका लागि नेतृत्वका साथै शेयर सदस्यहरूको भूमिका पनि गुणात्मक भए मात्र संस्थाको विकासमा सहयोग पुग्ने जिल्ला बचत तथा ऋण सहकारी संघका अध्यक्ष जगन्नाथ दाहालले बताए।
भूपू सैनिक, प्रहरी र सरकारी पेन्सनवालाहरूको साझा सहकारीका रूपमा परिचित भूपू सैनिकमा १ हजार ५ सय ८७ जना कुल शेयर सदस्य रहेका छन् । सहकारीले गत असार मसान्त सम्ममा ५ करोड ६६ लाख १४ हजार ८ सय ८५ रुपैयाँ कुल सम्पत्ति पु¥याएको छ । सहकारीले गत वर्ष १३ लाख ३२ हजार ८ सय २४ रुपैयाँ मुनाफा कमाएको छ। त्यसैगरि संस्थाको कुल शेयर पूँजी ५६ लाख ६८ हजार रुपैयाँ पुगेको संस्थाका कोषाध्यक्ष वीरबहादुर खड्काले आर्थिक प्रतिवेदनमा प्रस्तुत गरे ।
साधारण सभाका अवसरमा असल बचतकर्ता, असल ऋणी र असल ज्येष्ठ नागरिक हरूलाई सम्मान–पत्र नगद र दोसल्ला ओढाएर तथा राम्रो अङ्क ल्याएर कक्षा उर्तिण हुने शेयर सदस्यका ३ जना छोरा छोरीलाई पनि सम्मान तथा पुरस्कार प्रदान गरिएको थियो ।
भूपू सैनिक सहकारीको नयाँ नेतृत्व चयन
