रामेछाप । मन्थली नगरपालिकाले आउँदो ६ महिना भित्र डम्पिङ साइट टुङ्गो लगाउने भएको छ । बिहीबार पत्रकार भेटघाट गर्दै नगरका प्रवक्ता गोपाल श्रेष्ठले मन्थली बजारको फोहोर तामाकोशी नदी किनारमा फाल्ने र त्यही नदीको पानी खानु परेकोले ६ महिना भित्र डम्पिङ साइटको टुङ्गो लगाउने बताएका हुन् ।
बुधवार सम्पन्न १४ औँ नगर सभाले पारित गरेको वन ऐन सहित विभिन्न निर्णयहरू समेत प्रवक्ता श्रेष्ठले सार्वजनिक गरे । मन्थली अस्पताल, चिस्यान केन्द्र, कबर्ड हल जिल्लाकै जनताको पहुँचमा ल्याउन सक्दो पहल गरी रहेको श्रेष्ठले बताए ।
नगरले हाल सम्म गरेका विकास निर्माण, शैक्षिक सुधार, प्रशासनिक गतिविधिमा कुनै समस्या भएमा नगरका जिम्मेवार निकायलाई सिधै खबर गर्न श्रेष्ठले आग्रह गरे ।
६ महिना भित्र डम्पिङ साइट टुङ्गो लाग्छ– मन्थली नगर प्रवक्ता श्रेष्ठ
