रामेछाप । नेपाली काँग्रेस रामेछापले मंगलवार एकै दिन जिल्लाको ६४ वटै वडामा ‘समुदायमा काँग्रेस अभियान’ कार्यक्रम सुरु गरेको छ । रामेछाप काँग्रेसले जिल्लाका वडामा पुगेर नागरिकको समस्या तथा गुनासा संकलन कार्य सुरु गरेको हो ।
अभियानलाई सार्थकता दिन गोकुलगंगा गाउँपालिका वडा नं. ६ फर्पु पुगेकी नेपाली काँग्रेसकी केन्द्रीय सदस्य सुजाता परियारले नेपाली काँग्रेस गुट–उपगुट भन्दा माथि उठ्नु पर्ने बताइन् । अब काँग्रेस एक ढिक्का भएर अगाडी बढ्नु पर्छ, जनताको दुखसुख बुझ्ने पार्टी नै काँग्रेस हो – परियारले भनिन् । परियारले विगत स्मरण गर्दै भनिन् – एमालेको नेतृत्वमा सरकार हुँदा एकलौटि ढंगबाट सरकार संचालन गरियो । संसदमा प्रतिनिधित्व गरेका पार्टीलाई समेत बेवास्ता गरी जनताले ल्याएको लोकतन्त्र, संविधान रहनेकी नरहने भन्ने अन्योलमा पु¥याइयो । लोकतन्त्रलाई खतराबाट जोगाउन काँग्रेस गठबन्धनमा जान बाध्य भयो ।
अभियानका क्रममा विकास निर्माणका विषयमा धेरै गुनासोहरू आएको हुँदा नागरिकहरूको गुनासो संकलन गरेर सदन सम्म पु¥याउने रामेछाप काँग्रेस पार्टी सभापति एवम् संघीय सांसद पूर्णबहादुर तामाङले बताए । उनले भने – जिल्लामा अन्यत्रबाट बाँदर ल्याई छोडेको र जिल्लामा बाँदरको आतंक धेरै भएको गुनासो नागरिकको छ । यसको नियन्त्रण गर्न बाँदरको विषयमा सदनमा पहिलेनै बोलेको र फेरी पनि सदनमा कुरा उठाउने प्रतिबद्धता गर्दछु ।
वस्तिमा, किसानको घरघरमा, युवा समूहमा, महिला समूह, वन समूह, कृषि समूहमा पनि यो अभियान पुग्ने रामेछाप काँग्रेसका उपसभापति लेखबहादुर कार्कीले बताए । उनले भने – काँग्रेस पुरानो पार्टी हो भनेर हामीले गरेको कामको प्रचार नगर्ने हो भने युवा पुस्ता माझ हाम्रो लोकप्रियता बढाउन कठिन हुन्छ । आजका युवा नतिजा चाहन्छन् । हामीले गरेको कामको प्रचारप्रसार गर्नै पर्छ । अब हामी घरघरमा पुगेर हामीले के ग¥यौँ सुनाउँछौँ, नागरिकलाई कस्तो काँग्रेस चाहिएको हो, सोध्छौँ ।
रामेछाप काँग्रेस जिल्ला कार्य समितिले खटाइएका प्रतिनिधिहरूबाट वडावडामा अनौपचारिक रूपमा अभियानको सुरुवात गरिएको रामेछाप काँग्रेसका सचिव दीपक खड्काले जानकारी दिए ।खड्काले भने – हामीले अभियानको सुरुवात गरेका छौँ । हामी माघ २६ गते सम्म नागरिकको घरघरमा पुगेर नागरिकका समस्या, वडा तहमा भइरहेका विकास निर्माण बारे स्थानीयहरूको धारणा र गुनासाहरू संकलन गर्नेछौँ।
रामेछापका ६४ वटै वडामा ‘समुदायमा काँग्रेस अभियान’ कार्यक्रम सुरु
