रामेछाप । बैंक इन्स्योरेन्स ग्रुप (Bank & Insurance group Ramechhap) BIG रामेछापको अध्यक्षमा प्रदीप कुमार कार्की चयन भएका छन् । आज (शनिवार) भएको साधारण सभाबाट कार्की अध्यक्षमा चयन भएका हुन् । कार्की एन.एम.बी. बैंकमा कार्यरत छन् ।
त्यस्तै उपाध्यक्षमा साङ्ग्रिला विकास बैंकका प्रदीप्त सिन्धुलिय र रिलायबल नेपाल लाइफ ईन्स्योरेन्सका शान्ता श्रेष्ठ , महासचिवमा नेपाल ईन्भेष्टमेन्ट मेघा बैंकका चन्द्र प्रकाश आचार्य , कोषाध्यक्षमा लक्ष्मी सनईराज बैंकका निशान खड्का र सचिवमा सिद्धार्थ प्रिमियर ईन्स्योरेन्सका नवराज खड्का चयन भएका छन् ।
अध्यक्षमा चयन भए पश्चात् कार्कीले बैंक र इन्स्योरेन्सका कर्मचारीलाई पर्ने हरेक समस्यामा आफू सदैव लागि पर्ने बताएका छन् । बैंक र इन्स्योरेन्सका कर्मचारीलाई जुनसुकै बेला समस्या परे पनि खबर गर्न अध्यक्ष कार्कीले बताएका छन् । बैंक इन्स्योरेन्स ग्रुप (Bank &Insurance group Ramechhap) BIG का सदस्यहरूलाई परेको समस्यामा आफू दिलोज्यानले खटिने पनि उनले बताए ।
यस अघि बैंक इन्स्योरेन्स ग्रुप रामेछापको अध्यक्ष एन.एल.जी. ईन्स्योरेन्सका मोहन धमला थिए ।
