रामेछाप । नेपाली काँग्रेसको भातृ संस्था नेपाल महिला संघ रामेछापकी संस्थापक अध्यक्ष गणेश कुमारी भट्टराईको निधन भएको छ ।
क्यान्सर पीडित भट्टराईको सोमबार बिहान घरमै निधन भएको पारिवारिक स्रोतले बताएको छ । १९९४ फागुन १० गते मन्थली मै जन्मिएकी भट्टराई विवाह गरेर हालको मन्थली ४ सालु गैराथोकमा पुगेकी थिइन् । उनि हाल माइतीमै बस्दै आएकी थिइन् ।
तत्कालीन समय देखि नै महिलाहरू हक अधिकारको लागि आवाज उठाउँदै आएकी नेतृ भट्टराई नेपाली काङ्ग्रेसबाटै २०५४ सालमा वडा सदस्यको उम्मेदवार बनेकी थिइन् ।
महिला अधिकारको क्षेत्रमा विभिन्न चरणका आन्दोलनकी अग्रणी नेतृ भट्टराईको निधनले आफू सहित सिङ्गो नेपाली काँग्रेसलाई दुखी बनाएको पार्टी सचिव दीपक खड्काले बताए ।
नेपाल महिला संघ रामेछापकी संस्थापक अध्यक्ष भट्टराईको निधन
