लिखुमा पानीको अभाव, मुहान खोज्दै गाउँपालिका

रामेछाप । आफ्ना नागरिकलाई पिउन पानीको समस्या परेपछि पानीको मुहान खोज्दै हिँडेका छन् केशव महत । महत लिखु तामाकोशी गाउँपालिकाका अध्यक्ष हुन् । लिखु तामाकोशी गाउँपालिकाको वडा नं. ३,४ र ५ का नागरिकलाई पिउन पानीको अती समस्या भएकोले समाधानका गर्न पानीको मुहानको खोजीका लागी आफै हिँडेका हुन् उनी ।
लिखुतामाकोशी गाउँपालिकाको वडा नं. ३ काङ्बा, वडा नं. ४ बिजुलीकोट र वडा नं. ५ नागदहमा पिउन पानीको समस्या रहेको स्थानीयहरू बताउँछन् । स्थानीयका अनुसार यहाँका नागरिकहरू पिउने पानीको अभावमा सधैँ काकाकुल जस्तै बन्ने गरेका छन् ।
लिखुतामाकोशी गाउँपालिकाका तीन वटा वडामा पानीको व्यवस्थित स्रोत र वितरण हुने माध्यम नहुँदा समस्या हुने गरेको हो । पानीको अभावका कारण यस वडाका महिलाहरूलाई विशेष समस्या भएको छ । पानी भर्ने जिम्मेवारी समालेका महिलाहरूले पानी बोक्नमै दिन बिताउनु पर्दा बालबालिकाको स्याहार समेत गर्न नपाएको स्थानीय महिलाहरूको गुनासो छ ।
पालिकाको वडा नं. ३ मा लगभग ५ सय घरधुरीलाई पिउने पानीको समस्या रहेको वडाध्यक्ष गोपालराज तामाङ बताउँछन् । उनी भन्छन् – यहाँका नागरिकहरू अझै पनि गाग्रो डोकोमा हालेर पानी बोक्दै जीविकोपार्जन गर्दै आउनुभएको छ । हामीले चाहेर पनि नागरिकको घरघरमा धारा र धारामा पानी पु¥याउन सकेका छैनौँ ।
पालिकाको वडा नं. ४ मा लगभग ८ सय घरधुरीलाई पिउने पानीको समस्या रहेको वडाध्यक्ष दीपक पुलामी मगर बताउँछन् । उनी भन्छन्– यहाँको नागरिकले अझै पनि पुरानै शैलीमा पानीको आवश्यकता पुरा गर्दै आउनु भएको छ ।
पालिकाको वडा नं. ५ मा लगभग ८ सय घरधुरीलाई पिउने पानीको समस्या रहेको वडा अध्यक्ष रोमबहादुर तामाङ बताउँछन् । उनी भन्छन् – यहाँका नागरिकहरूलाई पिउने पानीको धेरै समस्या छ । अहिले नागरिकहरूले पुराना धारा तथा कुवा संरक्षण गरेको पानीको आवश्यकता पुरा गर्दै आउनु भएको छ । अहिले पनि बिहान बेलुका पालैपालो पानी लिन जाने गर्नुहुन्छ उहाँहरू । त्यही पानी पनि पर्याप्त भने छैन । नागरिकको घरघरमा पानी पु¥याउन हामी मुहानको खोजीमा लागेका छौँ ।
गणतन्त्रले गाउँगाउँमा सिंहदरबार पु¥याए पनि नागरिकको घरघरमा पिउने पानी पु¥याउन नसकेको पालिका अध्यक्ष महत बताउँछन् । महत भन्छन् – हामी नागरिकको सेवाका लागी आएका हौँ । हामीलाई नागरिकले उहाँहरूको दुख सुखमा साथ दिन प्रतिनिधि खटाउनु भएको हो । तसर्थ लिखु तामाकोशी गाउँपालिका नागरिकको समस्यालाई समाधान गर्न हरतरहले प्रयासरत छ ।
महतले भने – पालिकाका वडा नं. ३, ४ र ५ मा पानीको मुहान समेत नभएको कारणले यहाँ पिउने पानीको समस्या भएको हो । हामी मुहानको खोजीमा हिँडेका पनि छौँ । हामीले पालिकाको वडा नं. १ र २ को सिमानाको कान्ले खोलामा मुहान हेरेका छौँ । यहाँको मुहानको पानीले केही हद सम्म पिउन पानीको आवश्यकता परिपूर्ति गर्नेछ । हामी अरू मुहानको खोजीमा समेत लागीरहेका छौँ ।
कान्ले खोलाको पानी वडा नं. ३, ४ र ५ मा ल्याउन आउँदो आर्थिक वर्षमा पालिकाले बजेट व्यवस्थापन गर्ने पनि अध्यक्ष महतले बताए । महतले भने – हामी पालिका स्तरबाट बजेट व्यवस्थापन गर्छौँ । लिखूतामाकोशीका नागरिकलाई पिउने पानीको व्यवस्थापन गर्न प्रदेश सरकारलाई अनुरोध गर्छौँ, केन्द्रीय सरकारलाई अनुरोध गर्छौँ । प्रदेश तथा केन्द्रीय मन्त्रालयको ढोकामा कुरेर भए पनि बजेट व्यवस्थापनका लागी खट्नेछु । जसरी पनि लिखुका नागरिकलाई पिउने पानीको व्यवस्थापन गर्नेछु ।