रामेछाप । मंगलबार दिउँसो रामेछापको रामेछाप नगरपालिका वडा नं ९ ल्याङ्गल्याङ्गको च्युरिवोटमा टयाक्टर दुर्घटना हुँदा चालक गुणराज श्रेष्ठको ज्यान गएको छ । ट्याक्टरमा सवार दुई जना घाईते भएका छन ।
घाईते हुनेहरुमा रामेछाप नगरपालिका ८ का मनोज मगर र चन्द्र बहादुर शाही रहेको वडा अध्यक्ष चन्द्र बहादुर श्रेष्ठले जानकारी दिए । सुनकोसी नदीको मरिङघाटबाट बालुवा लिएर ल्याङ्गल्याङ्ग तर्फ गएको ना ५ त ६५३६ नम्बरको टयाक्टर अप्ठेरो सडकको उकालोमा पुगेर ब्याक गर्दा डिलबाट करिब २ सय मीटर तल खसेको पनि अध्यक्षले बताए ।
घाईते मध्य चन्द्र शाहिको अवस्था चिन्ताजनक छ भने मनोज को अवस्था सामान्य रहेको छ ।मनोजको जिल्ला अस्पताल रामेछापमा उपचार भइरहेको छ । शाहिलाई भने थप उपचारका लागी धुलिखेल अस्पताल लगिएको प्रहरी नायव उपरिक्षक होमबहादुर पराजुलीले बताए । टयाक्टर दुर्घटना भएको थप कारण बारे थप अनुसन्धान भइरहेको उनले जानकारी दिए।
रामेछापको ल्याङ्गल्याङ्गको च्युरीबोटमा टयाक्टर दुर्घटना, एकको मृत्यु,दुई घाइते
