रामेछाप । टिपर पल्टिँदा एक जनाको घटना स्थलै मृत्यु भएको छ । मन्थली नगरपालिका वडा नं ६ भलुवाजोर स्थित सेलेघाटमा टिपर पल्टिँदा चालक अन्दाजी ५० वर्षीय जयबहादुर माझीको घटना स्थान मै मृत्यु भएको सेलेघाट प्रहरी चौकीका प्रहरी सहायक निरीक्षक अजय लामाले बताए ।
उद्धार कार्य जारी रहेको छ ।
प्रहरीका अनुसार शुक्रवार बिहान ११ ः ३० बजेको समयमा सेलेघाट तर्फबाट निर्माणाधीन सुनकोशी मरिण डाइभर्सन आयोजना तर्फ आउँदै गरेको बा २ क ४५०७ नम्बर टिपर एक्कासि पल्टिँदा माझीको घटना स्थल मै मृत्यु भएको हो ।
मृतक माझी महोत्तरी बर्दिबास नगरपालिका- ४ गौरीडाँडा स्थायी निवासी भएको रामेछाप प्रहरीले जनाएको छ ।।
