रामेछाप । बैंक एण्ड इन्स्योरेन्स समूह (बिआइजी) रामेछापले नयाँ नेतृत्व पाए सँगै सामाजिक काम सुरु गरेको छ । बिआइजीले शुक्रवार रक्तदान जीवन दान भन्ने मूल नारालाई आत्मसाथ गर्दै रक्तदान कार्यक्रम गरेको छ ।
केही समय अगाडि मात्रै नयाँ कार्यसमिति बनेको (बिआइजी) ग्रुपले सामाजिक कार्यमा पनि उपस्थिति देखाउने उद्देश्यले शुक्रवार मन्थली देवकोटा चोकमा रक्तदान कार्यक्रम गरेको बिआइजीका अध्यक्ष प्रदीप कुमार कार्कीले बताए । उनले भने – जिल्लामा रगतको अभावलाई केही हद सम्म सुल्झाउने प्रयास हामीले गरेका हौँ ।
रक्तदान कार्यक्रममा ३१ जनाले रक्तदान गरेका छन् । रक्तदान गर्ने ३१ जनालाई बिआइजीले प्रमाणपत्र समेत प्रदान गरेको छ । रक्तदानका लागी प्राविधिक सहयोग नेपाल रेडक्रस सोसाइटी रामेछापले गरेको थियो ।
सामाजिक कार्यमा खट्दै बैंक एण्ड इन्स्योरेन्स समूह
