रामेछाप । शिवशक्ति कल्याणी साहरा आश्रमले श्रीमद्भागवत सप्ताह एवम् पाञ्चायन ज्ञान महायज्ञ सुरु गरेको छ । जिल्लाको मन्थली नगरपालिका वडा नं. १ भैसेस्वरमा रहेको सो समस्त पितृ मुक्तिका कामना गर्दै श्रीमद्भागवत सप्ताह सुरु गरेको हो ।
प्रखर कथा बाधक दीपक सापकोटाको वाचन रहने श्रीमद्भागवत सप्ताह एवं पाञ्चायन देवीदेवता पूजन ज्ञान महायज्ञ फागुन ११ गते कलश यात्रा गरी सुरु गरिएको हो । १२ गतेबाट कथा वाचन सुरु गरिने र १८ गते कथा वाचन सकिने आयोजकले बताएको छ ।साथै फागुन १९ गते यज्ञ सु–सम्पन्न र जलप्रसाद वितरण गरिने आयोजकले जानकारी दिएको छ ।
श्रीमद्भागवत सप्ताह एवं पाञ्चायन देवी–देवता पूजन ज्ञान महायज्ञ मूल समारोह समितिका अनुसार यज्ञ समापन पश्चात् बाँकी रहेको प्रसाद रकम शिवशक्ति कल्याणी साहरा आश्रम सञ्चालक समितिलाई प्रदान गरिनेछ ।
कलश यात्रा गरी श्रीमद्भागवत सप्ताह सुरु
