रामेछाप । मोतियाबिन्दु भएका आँखाका रोगीहरूको अप्रेसन गर्न जाँदा लाग्ने खर्च समेत गोकुलगंगा गाउँपालिकाले दिने भएको छ। पालिकाले संचालन गरेको आँखा शिविरमा जाँच गर्न आएका मोतियाबिन्दु भएका रोगीहरूको अप्रेसन गर्न जाँदा लाग्ने खर्च पालिकाले नै दिने भएको हो ।
गोकुलगंगा गाउँपालिका, तिलगंगा आँखा प्रतिष्ठान तथा रामेछाप सर्जिकल आँखा केन्द्रको संयुक्त आयोजनामा भएको आँखा शिविरमा २२ जनामा मोतियाबिन्दु रोग लागेको पाइएको थियो । ती रोगीहरूको अप्रेसनमा जाँदा लाग्ने यातायात खर्च, खाना तथा खाजा खर्च समेत पालिकाले व्यवस्था गर्ने पालिकाका अध्यक्ष काजीबहादुर खड्काले बताए।
पालिकाको नामाडी स्वास्थ्य चौकी, गोकुलगंगा अस्पताल रस्नालु, ठोसे स्वास्थ्य चौकी र चुचुरे वडा कार्यालयमा फागुन ६ गते देखि १२ गते सम्म संचालन गरिएको आँखा शिविरमा ५ सय ४५ जनाले आँखा परीक्षण गरेका थिए । परीक्षण गरेका मध्ये २२ जनामा मोतियाबिन्दु देखिएको गाउँपालिकाका स्वास्थ्य शाखा प्रमुख जागिर रायले बताए ।
मोतियाबिन्दु देखिएकाहरूको फागुन १६ गते देखि उमाकुण्ड गाउँपालिकाको वडा नं २ बाम्तिभण्डारमा हुने शिविरमा निशुल्क अप्रेसन हुने पनि रायले जानकारी दिए ।
मोतियाबिन्दुको अप्रेसनमा जाँदा आउँदा लाग्ने खर्च पालिकाले दिने
