रामेछाप । रामेछाप नगरपालिकाले छाडा तथा घरपालुवा कुकुरको बन्ध्याकरण शिविर सम्पन्न गरेको छ । गत १६ गते देखि संचालन भएको ५ दिने शिविरमा १ सय ५१ छाडा तथा घरपालुवा कुकुरको बन्ध्याकरण गरिएको नगरपालिकाका पशुपन्छी विकास शाखा प्रमुख काजी शेर्पाले बताए ।
शिविरमा घर पालुवा तथा बजार क्षेत्रहरूमा रहेका छाडा कुकुरलाई नियन्त्रणमा लिएर बन्ध्याकरण गरिएको शेर्पाले बताए । बजार क्षेत्रमा छाडा कुकुरको संख्या बढेपछि नगरपालिकाले बन्ध्याकरण गर्न शिविर संचालन गरेको हो ।
शिविर नेपाल एनिमल वेलफेयर एण्ड रिसर्च सेन्टर बनेपा काभ्रेसँगको प्राविधिक सहयोगमा नगरपालिकाले शिविर संचालन गरेको हो ।
छाडा कुकुरको संख्या बजार क्षेत्रमा बढे सगैँ रेबिजको प्रकोप न्यूनीकरण गर्न छाडा तथा घरपालुवा कुकुरको बन्ध्याकरणका लागि शिविर सञ्चालन गरिएको थियो । शिविरमा कुकुरलाई लूतो र रेबिज रोग विरुद्धको खोप समेत लगाइएको थियो ।
रामेछापको १ सय ५१ कुकुरको बन्ध्याकरण
