रामेछाप । लिखु खोलामा डुबेर रामेछापका एकको मृत्यु भएको छ । रामेछाप नगरपालिका वडा नं–४ हिमगंगाका १७ वर्षका भीम बहादुर श्रेष्ठको पौडी खेल्ने क्रममा मृत्यु भएको हो । बिहीबार दिउँसो लिखु खोलामा पौडी खेल्ने क्रममा डुबेर उनको मृत्यु भएको हो ।
घर नजिकै रहेको लिखु खोलामा २ जना साथीहरूसँगै पौडी खेल्न गएका श्रेष्ठको खोलामा डुबेर मृत्यु भएको जिल्ला प्रहरी कार्यालय रामेछापका प्रहरी नायव उपरीक्षक प्रदीप कुमार सिंहले बताए ।
मृतक श्रेष्ठ रेणुका देवी माध्यमिक विद्यालयबाट हिमगंगा मावि साघुटारको केन्द्रबाट एसइईको परीक्षा दिइरहेका शिक्षा तथा समन्वय इकाई रामेछापका प्रमुख नेत्र प्रसाद गजुरेलले बताए।
घटनाको बारेमा थप अनुसन्धान भइरहेको प्रहरीले जनाएको छ ।
