रामेछाप । रामेछापको खाँडादेवी गाउँपालिका वडा नं ४ मा बोलेरो दुर्घटना हुँदा १५ जना घाइते भएका छन् । घाइतेहरूलाई जिल्ला प्रहरी कार्यालय रामेछापबाट खटिएको प्रहरी टोलीले उद्धार गरी मन्थली अस्पतालमा ल्याएर उपचार भइरहेको जिल्ला प्रहरी कार्यालय रामेछापले बताएको हो ।
बुधवार दिउँसो २ ः ४५ बजेको समयमा खाँडादेवीको सान्नेफेदी भन्ने ठाउँमा बा ६ च ९१६२ नम्बरको बोलेरो गाडी दुर्घटनामा पर्दा १५ जना घाइते भएको जिल्ला प्रहरी कार्यालय रामेछापले जनाएको हो । घाइतेहरूको परिचय सहितको विवरण खुल्न बाँकी रहेको छ ।
बोलेरो गुडिरहेको अवस्थामै अचानक ब्याक हुँदा सडकबाट पल्टिएको प्रहरीको भनाई छ । बोलेरोका चालक मन्थली नगरपालिका वडा नं ७ मुगीटारका अरुण माझीलाई प्रहरीले नियन्त्रणमा लिएर घटना बारे अनुसन्धान थालेको छ ।
बोलेरो पल्टिँदा १५ जना घाइते
