रामेछाप । जिल्लाको लिखु तामाकोसी गाउँपालिका वडा नं.६ र गोकुलगंगा गाउँपालिका वडा नं. ६ को सिमाना हुदै बग्ने छतिउन खोलाको माथिल्लो छाँगो स्थितमा पानीको सतहमा महिलाको शव भेटिएको जिल्ला प्रहरी कार्यालय रामेछापले जनाएको छ । प्रहरीका अनुसार गत शुक्रवार वतन नखुलेको रातो चोलो, निलोमा सेतो धर्का भएको गन्जी लगाएको मङ्गोलियन मूलको जस्तो देखिने वर्ष अं. ४५/५० कि महिलाको शव सडिगली घोप्टो अवस्थामा फेला परेको हो ।
फेला परेको शव जाँच मुचुल्का लगायतका प्रारम्भिक अनुसन्धान कार्य पुरा गरी मन्थली अस्पतालको शव गृहमा राखी आफन्तको खोजतलास भई रहेको जिल्ला प्रहरी कार्यालय रामेछापका सूचना अधिकारी कौशल न्यौपानेले जानकारी दिए । शवको हुलिया परिपत्र गरी मृतकको आफन्तको खोजतलास जारी नै रहेको सूचना अधिकारी न्यौपानेले बताए ।
