रामेछाप । रामेछाप जिल्लाको नयाँ प्रहरी प्रमुख डिएसपी भोला कुमार भट्टले जिम्मेवारी सम्हालेका छन् ।
काठमाडौँ उपत्यका अपराध अनुसन्धान कार्यालयबाट सरुवा भई आएका प्रहरी नायव उपरीक्षक भट्टले बिहीबारबाट रामेछाप प्रहरी प्रमुखको जिम्मेवारी सम्हालेका हुन् ।
डिएसपी भट्टलाई बिहीबार रामेछापबाट सुरक्षा सेवा व्यवस्थापन महाशाखा सरुवा भई जान लाग्नु भएका प्रहरी नायव उपरीक्षक प्रदीप कुमार सिंह प्रहरी अधिकृत तथा जवानहरूले भव्य स्वागत गरे ।
जिल्ला प्रहरी कार्यालयमा रामेछापमा आयोजित “बिदाइ तथा फेरी भेटौला” कार्यक्रममा डिएसपी भट्टले मायाको चिनो प्रदान गरी डिएसपी सिंहलाई बिदाइ गरेका हुन् ।
कार्यक्रममा डिएसपी सिंहले रामेछाप प्रहरी प्रमुखको जिम्मेवारीमा रहँदा आफ्ना अनुभवहरू व्यक्त गर्दै अमूल्य सुझावहरू दिएका छन् ।
