रामेछाप । मन्थली नगरपालिकाका सूचना अधिकारी हेमन्तकुमार बुढाथोकी उत्कृष्ट सूचना अधिकारी पुरस्कार २०८२ ’ बाट सम्मानित भएका छन् । राष्ट्रिय सूचना आयोगको १८ औं स्थापना दिवसको अवसरमा बुढाथोकी उत्कृष्ट सूचना अधिकारीको रुपमा पुरस्कृत भएका हुन् ।
मन्थली नगरपालिकाको माहाशाखा प्रमुख समेत रहेका बुढाथोकीलाई सोमबार काठमाडौंमा आयोजित कार्यक्रममा राष्ट्रपति रामचन्द्र पौडेलले ‘उत्कृष्ट सूचना अधिकारी पुरस्कार २०८२ ’ बाट सम्मानित गरेका हुन् । बुढाथोकी मन्थली नगरपालिकाको १० औं तहको प्राविधिक उप सचिवको रुपमा कार्यरत छन् ।
आयोगले बुढाथोकी सहित देशभरका सार्वजनिक सेवा प्रदायक निकायमा कार्यरत ५ जना सूचना अधिकारीहरुलाई नगद ३० हजार सहित सम्मान गरेको हो । त्यसैगरी सूचनाको क्षेत्रमा काम गर्ने अन्य ५ जना अभियान्ताहरुलाई पनि नगद सहित सम्मान गरिएको छ ।
