२८ मंसिर
सिन्धुलीको गोलन्जोर गाउँपालिकामा सुमो दुर्घटना हुँदा १ जनाको मृत्यु भएको छ । अर्का एक जना गम्भिर घाईते भएका छन ।
गाउँपालिकाको वडा नम्बर ६ देउरालीटारमा गएराति पूर्वाधार विकास कार्यालय रामेछापको प्रदेश ३–०१००२ झ ४६९९ नम्बरको सरकारी गाडीले हलेसी दर्शन गरी काठमाण्डौँ फर्कदै गरेका यात्रु बोकेको ना १ ज ६९८५ नम्बरको सुमो अचानक चिप्लियर कसरी चिप्लियछ भनि हेर्न जाने क्रममा ठक्कर दिदाँ रामेछाप नगरपालिका वडा नम्बर ७ का ५० वर्षीय शिव बहादुर कार्कीको दुर्घटना स्थलमै ज्यान गएको हो ।
दुर्घटनामा परि सिन्धुपालञ्चोक जिल्लाको पाँचपोखरी गाउँपालिका वडा नम्बर २ बस्ने कमल खड्का घाइते भएका छन् । घाइते खड्कालाई उपाचारको लागि कठमाण्डौ पठाएको छ ।
सुमोमा १० जना यात्रु रहेको बताएको छ । उनिहरु सबै जना सकुसल रहेको प्रहरीले जानकारी दिएको छ ।
