०१, पौष,
जिल्ला समन्वय समिति रामेछापका प्रमुख प्रेम बहादुर खड्काले शैलुङ् डाँडाको सिमा विवाद सामान्य भएको बताउनुभएको छ । उहाँले मंगलबार रामेछापको मन्थलीमा, रामेछाप जिल्लामा पर्यटनको अवस्था बिषयक अन्तरक्रिया कार्यक्रममा सो कुरा बताउनुभएको हो । सदिउँदेखी विवादित रहदै आएको सिमा विवादले दोलखा र रामेछापका सिमा जोडिएका गाउँपालिकाको विभिन्न पक्षमा समस्या पु¥याउदै आएको छ । तर सोहि विषयमा भ्रमण वर्षमा विभिन्न जिल्लाको अवलोकन गरि तथ्याङ्क संकलनका क्रममा मन्थली आइपुगेका पत्रकारहरुको जिल्लाको पर्यटक स्थलहरुको बारेमा छलफल गर्दा शैलुङ्ग क्षेत्रको समस्याबारेमा जिल्ला समन्वय प्रमुखबाट यस्तो प्रतिकृया आएको हो । उहाँले यो जटिल विषय नभएकाले दुवै जिल्ला मिलेर शैलुङ् क्षेत्रको विकास, पर्यटन पर्वद्धन गर्नुपर्ने र आएआर्जनको बाटो बनाउनु पर्ने धारण राख्नुभयो ।
त्यस्तै मन्थली नगरपालिकाका नगर प्रमुख रमेश कुमार बस्नेतले रामेछाप जिल्लामा पर्यटन पर्वद्धनको लागि धेरै सम्भावना बोकेको जिल्ला भएकाले यसलाई सफल पार्न सम्बन्धीत सबैमा आग्रह गर्नुभयो । उहाँले रामेछापको आठ वटै स्थानीय तहहरुमा प्रसिद्ध धार्मिक, संस्कृति, पौराणिक स्थलहरुभएकाले तिनीहरुको महत्वलाई अन्तराष्ट्रिय क्षेत्रसम्म चर्चा परिचर्चा गर्नको लागि यसलाई सफल पार्न अपिल गर्नुभएको हो । उहाँले सबै मिलेर पर्यटन वर्ष सफल पार्नको लागि अपिल गर्दै पर्यटनको लागि रामेछाप उत्कृष्ट गन्तब्य हुने दाबी गर्नुभयो ।
कार्यक्रमा रामेछापको समग्र प्राकृतिक, धार्मिक, सांस्कृतिक, जातजाति, विविधता लगायतको विषयमा राजनीतिक दल, पत्रकार, समाजसेवी, बौदिक ब्यक्तितो लागयतले प्रकाश पारेको थिए ।
रामेछापमा दुई नगरपालिका र छ वटा गाउँपालिका रहेको छ । सरकारले आगामी अंग्रेजि नया वर्ष २०२० मा २० लाख पर्यटन भित्र्याउने लक्ष्य राखेको छ ।
कार्यक्रम पर्यटन विकास प्रदेश नं ३ को आयोजना तथा नेपाल पत्रकार महासंघ प्रदेश नं ३ को संयोजनमा भएको थियो । कार्यक्रममा रामेछाप दोलखा, सिन्धुपाल्चोक, लगायत ३ नं प्रदेशका पत्रकारहरुको सहभागिता रहेको थियो
।
