पुष ८
काँहिनभएको जात्रा हाँडीगाउँमा भन्ने उखान रामेछापको एक गाउँपालिकामा भएको छ । जिल्लाको लिखु तामाकोसी गाउँपालिकामा गाउँपालिकाको विकास निमार्ण गर्ने समयमा गाउँपालिकाका जननिर्वाचित जनप्रतिनीधिहरु एकमाथी अर्को विभिन्न आरोप प्रत्यारोप लागाउदै ज्याननै लिने सम्मको गतिविधी हुनथालेपछि जिल्लाको लिखुतामाकोसी गाउँपालिकामा समस्या भएको हो ।
जनप्रतिनिधिबीचको विवादले जिल्लाको लिखु तामाकोशी गाउँपालिकाको कामकाज ठप्प भएको छ । चालु आर्थिक वर्षको बजेट तथा कार्यक्रम पास नहुँदा गाउँपालिकाको सम्पुर्ण कामकाज ठप्प भएको हो ।
नागरिक निगरानीको क्रममा सो पालिकामा वेथितिको नमुना देखिएको मानवअधिकार संरक्षण सञ्जाल रामेछापका संयोजक पाण्डव प्रसाईंले बताउनुभयो । बजेट तथा कार्यक्रम पास गर्नका लागि गत असार महिनामा बसेको गाउँकार्यपालिकाको बैठकमा विवाद भएपछि बजेट र कार्यक्रम पास हुन सकेको छैन । त्यस यता गाउँ कार्यपालिकाको बैठक समेत बस्न सकेको छैन ।
गएको असारमा भएको बैठकमा गाउँपालिकाको वडा नं–१ दुरागाउँमा गरिएको विद्युतीकरणको लागि करिब ६ करोड रुपैयाँ विनियोजन गर्न गाउँपालिका अध्यक्ष गोविन्दबहादुर खड्काले प्रस्ताव गर्नुभएको थियो । कामको अनुगमन गरेपछि मात्र रकम विनियोनज गर्नुपर्ने प्रस्ताव गाउँपालिका उपाध्यक्ष दीपशिखा दाहाललगायतका कार्यपालिकाका सदस्यहरुले राखेपछि अध्यक्षले गरेको कामको किन अनुगमन गर्ने भन्दै अध्यक्षले विवाद सिृजना भएको कार्यपालिका सदस्यहरुले बताएका छन् । अहिले विद्युत विवादको छानविनको लागि अख्तियार दुरुपयोग अनुसन्धान आयोगले फाइल झिकाएको छ । ७ वटा वडा रहेको सो गाउँपालिकामा अध्यक्ष, उपाध्यक्ष र ६ जना वडाअध्यक्ष तत्कालिन नेकपा एमालेबाट बिजयी भएका छन् भने एकजना वडाअध्यक्ष कांग्रेसबाट बिजयी भएका छन् । बैठकमा विद्युतको लागि बजेट विनियोजन नगरेसम्म गाउँपालिकाको बजेट तथा कार्यक्रम पास नगर्ने अडान गाउँपालिका अध्यक्षले लिदैआएको नेकपाका नेता निकास पौडेलले बताउनुभयो ।
