माघ, ०२,
रामेछाप जिल्लामा भरखरै आउनुभएका डिएस्पी वसन्त पाठकले जिल्लाको सुरक्षा स्थानीयले अनुभुति गर्ने गरि गर्ने बताउनुभएको छ । आज जिल्ला प्रशासन रामेछापमा भएको परिचयात्मक अन्तरक्रिया कार्यक्रममा बोल्दै उहाँले यस्तो बताउनुभएको हो ।
जिल्लामा गत पौष २३ गते बुधबार रामेछाप जिल्ला प्रहरीको प्रमुखको रुपमा जिल्ला प्रवेश गर्नुभएका पाठकले बिहिबार जिल्लामा सक्रिय पत्रकार, संचारकर्मीहरुसंग परिचय तथा भेटघाट गर्दै जिल्लाको अवस्थाका बारेमा जानकारी लिनुभएको हो ।
उहाँले समग्र जिल्लाको समस्या, भएका घटनाहरुको बारेमा उपस्थितहरुले जानकारी गराउर्दै त्यसलाई न्युनिकरण गराउने तर्फ जिल्ला प्रहरीको ध्यानाकर्षण गराएका थिए ।
पाठकले कुनै राजनैतिक दवाबले अपराधीले छुट नपाउने बताउदै आफूले जिल्ला छाड्ने तर राजनैतिक दवाबलाई नमान्ने जिकिर गर्नुभएको हो।
उहाँले आफू जिल्लाको प्रहरी प्रमुख रहेसम्म कुनै दवाबमा अपराधिले उन्मुक्ति नपाउने जिकिर गर्नुभयो । साथै निर्दोष मानिसले दुःख नपावस् भन्ने कुरामा पनि आफू सचेत रहेको जानकारी दिनुुभयो । यस अघि जिल्लामा सन्तोष कुमार भट्टराइ रामेछापको प्रहरी प्रमुख हुनुहुन्थ्यो । उहाँ अहिले सरुवा भएर केन्द्रिय प्रहरी हेडक्वाटरमा जानुभएको छ ।
अन्तराक्रिया कार्यक्रमलाइ सम्बोधन गर्दै उहाँले जिल्लामा शान्ति, सुरक्षा, अपराधिक गतिविधीलाई विभिन्न संयन्त्र परिचालन गरि त्यसलाई आगामी दिनमा नियन्त्रण गरि नागरिकको शान्ति सुरक्षाको प्रत्याभुती दिलाउने प्रतिबद्धता जनाउनु भयो ।
त्यस्तै जिल्ला ट्राफिक प्रहरीका इन्र्चाज प्रमुख रामेश्वर पाण्डेले जिल्लाको ट्राफिक ब्यवस्थापनलाई कडाई गर्ने, मन्थलीको सवारी पाकिङ्को ब्यवास्थापन गर्ने, विभिन्न गाउँमा जार्ने सवारी साधानलाई नियम विपरित चल्नबाट नियन्त्रण गर्ने र दुर्घटनालाई न्युनिकरण गर्न लागि, लागि परेको स्पष्ट पार्नुभएको छ । परिचयात्मक कार्यक्रममा जिल्लामा सक्रिय रुपमा विभिन्न पत्रपत्रिका, रेडियो, टेलिभिजलगाएतमा कार्यरत पत्रकारहरुको सहभागिता रहेको थियो ।
