६ माघ,
रामेछाप जिल्लामा दोस्रो रामेछाप मोहत्सव चलिरहदा रामेछापकै एक चर्चित लोक गायक प्रकाश कटुवाल भने पक्राउ परेका छन् । तनहुँ बन्दीपुर गाउँपालिका डुम्रेका होटल व्यवसायी लालकाजी गुरुङमाथि आक्रमण गरेको आरोपमा रामेछाप निवासी चर्चित लोक गायक कटुवाल पक्राउ परेका हुन । जिल्ला सदरमुकाम मन्थलीमा मंगलबार देखी मोहत्सवको आयोजना गरिएको छ । विभिन्न कलाकारहरुको उपस्थिति रहने मोहत्सवमा कटुवालको प्रस्तुती पनि रहने बताएको थियो । तर उनी पक्राउ परेसंगै कटुवाल मोहत्सवमा आउने किनआउने भन्ने विषय अन्यौल भएको छ । जिल्लामा उनका धेरै श्रोता तथा फ्यानहरु हरेका छन् ।
कटुवाल भने गुरुङको परिवारले गायक कटुवालविरुद्ध ज्यान मार्ने उद्योग मुद्दा दर्ता गरे पश्चात पहरी हिरासतमा रहेका छन् । गुरुङकी छोरी सोनीकाले गत सोमबार गायक कटुवालविरुद्ध जिल्ला प्रहरी कार्यालय तनहुँमा किटानी जाहेरी दिएपछि कटुवाललाई प्रहरीले पक्राउ गरेको जिल्ला प्रहरी कार्यालय तनहुँले जनाएको छ । तनहुँका प्रमुख प्रहरी उपरीक्षक विनोद सिलवालका अनुसार जाहेरीसँगै गायक कटुवाललाई प्रहरी हिरासतमा राखेर अनुसन्धान अगाडि बढारहेको बताउनुभएको छ ।
शनिबार पोखरा जाने क्रममा गायक कटुवालकी श्रीमतीले डाँफे होटल अगाडी बान्ता गरेपछि त्यही निहुँमा होटल सञ्चालक गुरुङ र गायक कटुवालबीच सामान्य विवाद भएको थियो । केही समयको विवादपछि दुई पक्षबीच सहमति भई मिलापत्र भएर गायक पोखरा गएका थिए । साँझ घरमा खाना खाइरहेको अवस्थामा व्यवसायी गुरुङलाई मास्क लगाएर मोटरसाइकलमा आएका दुई व्यक्तिले एक्कासी रडले आक्रमण गरेर गम्भीर घाइते बनाएका थिए ।
घाइते गुरुङको काठमाडौंस्थित अन्नपूर्ण न्यूरो अस्पतालमा उपचार भइरहेको प्रहरी छ । प्रहरीका अनुसार गुरुङको अवस्था गम्भीर छ । आक्रमणमा गायक कटुवाल संलग्न भएको आरोप पीडितका परिवारले लगाएका छन् । तर पक्राउ पर्नु अघि गायक कटुवालले परिवार र आफन्तसँग आफू घटनामा संलग्न नभएको दावी गरेका छन् । कटुवालले आफू निर्दोष रहेको बताउदै घटना घटेको अवस्थामा आफू पोखरामा भएको बताएका छन् ।
