फागुन, २१,
रामेछाप । जिल्ला प्रहरी कार्यलय रामेछापले घरेलु मदिरा नष्ट गरेको छ । प्रमुख जिल्ला अधिकारी रुद्र देबी र्शमाको निर्देशनमा जिल्लाका विभिन्न गाउँपालिकामा अबैध रुपमा खरिद बिक्री गरिदै आएको घरेलु मदिरा नष्ट गरेको जिल्ला प्रशासन कार्यलयले एक सुचना प्रकाशन गरि जानकारी दिएको छ ।
जिल्ला प्रशासनको निर्देशनमा जिल्लाको गोकुल गंगा गाउँपालिका वडा नं २ ठोसे बजारमा बिक्रीको लागि राखिएको २० लिटर घरेलु मदिरा नष्ट गरिएको उल्लेख गरिएको छ । त्यस्तै मदिरा बनाउन प्रयोग गर्ने ४ सय लिटर कच्चा पर्दाथ पनि नष्ट गरिएको छ ।
त्यस्तै गएको फागुन २० गते खाँडा देवी गाउँपालिका वडा नं ७ गाल्पा बजारमा सवारी साधन चेक जाँच गर्ने क्रममा ४० लिटर मदिरा फेला पारेपछी सो मदिरा नष्ट गरिएको छ । त्यस्तै बुधबार २१ गते सोही पालिकाको वडा नं ५ गोगन पानीमा सवारी साधान चेक गर्ने क्रममा ४० लिटर मदिर फेला पारेपछी सो मदिरा नष्ट गरिएको छ ।
