फाल्गुण २९,
रामेछाप । ओखलढुंगामा शुुक्रबार भएको बोलेरो दुर्घटनाका घाइते १२ मध्ये ८ जनालाई सेनाको हेलिकप्टरबाट काठमाण्डौ पठएको छ । दुर्घटनामा गम्भिर घाइते भएका ३ सहित अन्य ५जना घाइतेलाई आज बिहान साँढे ११ बजे र दिउसो ३ बजे गरेर दुई ओटा हेलिकप्टरबाट काठमाण्डौ पठाएको जिल्ला प्रहरी कार्यालय ओखलढुंगाले जनाएको छ ।
उनीहरुको ओखलढुंगा सामुदायिक अस्पतालमा सामान्य उपचार पछि थप उपचारको लागि काठमाण्डौ रेफर गरिएको हो ।
दुर्घटनामा गम्भिर घाइते भएका बोलेरोका चालक समेत रहेका पर्साका २१ बर्षिय अनिल सहनी र पर्साकै २६ की सुगन्भि देवी मुखियालगायत ओखलढुंगाको सिद्धिचरण नगरपालिका ४ का राजन घने, सनम घले बलबहादुर श्रेष्ठ र सिद्धिचरण नगरपालिका १२ का बिराजथापा, पर्साकै १ महिने बालक आकास कुमार सहनी यस्तै रामेछापका कपिल मगरलाई हेलीकप्टर मार्फत काठमाण्डौ पठायको हो ।
उद्धार गरेर लगिएकाउनीहरुको काठमाण्डौ स्थित हेल्पिङ ह्यान्स अस्पतालमा उपचार सुरु गरिएको छ । अन्य घाइते ४ जनाको ओखलढुंगा सामुदायिक अस्पतालमा उपचार भइरहेको प्रहरीले जनाएको छ
विरगंजबाट ओखलढुंगाको रुम्जाटार हिडेको बोलेरो ओखलढंगाको मानेभञ्ज्याङ गाँउपालिका ४ केतुकेमा आज बिहान दुर्घटना भएको थियो । प्रदेशनम्बर ३–०१०२२ च ३१८३ नम्बरको बालेरो सडकबाट भण्डै १५० मिटर तल खस्दा दुर्घटना भएको जिल्ला प्रहरी कार्यालय ओेखलढुंगाका प्रहरी निरिक्षक मिलन सिंह बस्नेतले जानकारी दिनु भएको छ ।
दुर्घटनाको जानकारी पाउना साथ जिल्ला प्रहरी कार्यालय ओखलढुंगाबाट प्रहरी निरिक्षक बस्नेतको नेतृत्वमा ५ जनाको टोली र अस्थायी प्रहरी पोष्ट केत्तुकेबाट प्रहरी हवल्दार दिलबहादुर खड्काको नेतृत्वमा ३ जनाको टोली घटनास्थलमा पुगेर घाइतेहरुको तत्काल उद्धार गरि ओखलढुंगा सामुदायिक अस्पतालमा पठाइएको थियो ।
घाइते अधिकांसको टाउको, ढाड र खुट््टामा चोट लागेको पाइएको छ । दुर्घटना के कारणले भयो भन्नेबारे अनुसन्धानभइरहेको जिल्लाप्रहरी कार्यालय ओखलढुंगाले जनाएको छ ।
दुर्घटना भएको बोलेरो पर्साको विरगञ्जवाट ओखलढुङ्गाको सिद्धिचरण नगरपालिका ४ रुम्जाटारमा रहेको महिन्द्रा गाडी सोरुमको सामानसगै सोरुमका सञ्चालक र कामदारहरु बोकेर आएको रहेको जिल्लाप्रहरी कार्यालय ओखलढुङ्गाले जनाएको छ ।
