नेपालकै तेश्रो पशुपतिनाथ, स्थानापति मन्दिरमा सन्तान माग्द सन्तान प्राप्त हुने : ५० लाख लगानिमा ब्यवास्थित गरिदै,

चैत्र, ०३,

सन्तान भएनन् भनेर धेरै मानिसहरु आफैमा पीडित बनेका हुन्छ । तर पूर्वको दोश्रो पशुपतिनाथको रुपमा चिनिने रामेछापको मन्थली नगरपालिका वडा नंम्बर ९ बाहुनचुरामा रहेको स्थानापति महादेवको मन्दिरमा गएर सन्तान मागेमा पुराहुने विश्वास बढेको छ ।

मन्दिरमा पछिल्लो समय सन्तान माग्ने भक्तजनको चहलपहल बढेको छ । सन्तान नभएको दाम्पत्तीहरुलेले त्यस मन्दिरमा गरेर सन्तान माग्दा सन्ता लाभ हुने जनविश्वास रहेको छ । मन्दीरमा अहिले दैनिक सयौं भक्तजनको भिड लाग्ने गरेको छ ।

बैरा महादेवको रुपमा चिनिने स्थानापति महादेव मन्दीरको प्रवद्र्ध गर्ने उद्देश्यले मन्थली नगरपालिकाले मन्दिर पसिरसम्म जाने गोरेटो बाटोलाई फराकिलो बनाएर सिंडी निर्माण गरेपछि भक्तजनको संख्यामा बढेको हो ।

महादेव मन्दीर प्रबद्र्धनको लागि मन्थली नगरपालिकाले ५० लाख रुपैयाँ बजेट विनियोजन गरि सिंडी निर्माण गरिरहेको छ । सिंडी निर्माणसंगै त्यहाँको मन्दिर वरपरको वातावरण पनि रमणिय बनेको छ ।

काठमाडौंको पशुपतिनाथ र हलेसी महादेवपछि नेपालकै तेश्रो तथा पूर्वको दोश्रो पशुपतिनाथको रुपमा पुजीदै आएको स्थानापति महादेव मन्दिर जाने बाटो अप्ठ्यारो, साँघुरो, र उकालो भीर, भएकाले भक्तजनहरुको सहजताको लागि सिँडी निर्माण गरिएको मन्थली नगरपालिका प्रमुख रमेशकुमार बस्नेतले बताउनुभयो ।

स्थानापति महादेव मन्दिर सदरमुकाम मन्थलीबाट १५ किलोमिटरको दूरीमा अवस्थित रहेको छ । मन्थलीबाट गेलु, फुलासी हुँदै जाँदा महादेव मन्दिर परिसरसम्म सवारी साधन पुग्ने भए पनि मन्दीरको काखमा रहेको भीरमा सानो महादेव लगायतका देवताथानहरु रहेकाले भक्तजनहरु भीरको बाटो भएर नै मन्दीर जाने गरेकोले सिँडी निर्माणको काम सम्पन्न भएपछि सिँडीको डिल छेउमा छेउमा रेलिङ्ग हालिने खानीपानीको धाराको समेत ब्यवस्था हुने मन्थली नगरपालीका ९ का वडा अध्यक्ष बुद्धिबहादुर पुलामी मगरले बताउनुभयो ।