वैशाख, ०३
रामेछाप नगरपालिकामा गरिएको कोरोना परिक्षाण सबै रिपोर्ट नेगेटिभ आएको छ । ¥यापिड डाईग्नोष्टिक टेष्ट अर्थात द्रुत विधिबाट गरिएको जाँचमा कोहिमा पनि कोरोना संक्रमण नभएको पाईएको हो । रामेछाप नगरपालिकाको वडा नम्बर ४,५ र ६ मा मंगलबार परिक्षण गरिएको थियो ।
भारत लगायत अन्य देशबाट फर्किएर क्वारेन्टाईनमा बसेका १७ जनामा गरीएको परीक्षणमा कसैमा पनि कोरोना संक्रमण नभएको पाएको रामेछाप नगरपालिका स्वास्थ्य शाखा संयोजक विष्णु कार्कीले जानकारी दिनुभयो ।
क्वारेन्टाईनमा बसेका १७ जनाको रिपोर्ट नेगेटिभ देखिएपछि उनिहरुलाई मंगलबारनै डिस्चार्ज गरिएको छ ।
संयोजक कार्कीका अनुसार अब बाँकि वडाहरुमा क्वारेन्टाईनमा रहेकाहरुको परीक्षण आज (बुधबार) हुदैछ । उनिहरुको पनि रिपोर्ट नेगेटिभ देखिए क्वारेन्टाईनबाट डिस्चार्ज गरिने उहाँले बताउनुभयो ।
जिल्ला स्वास्थ्य कार्यालय, जिल्ला अस्पतालको प्रविधिक सहयोग र रामेछाप नगरपालिकाको आयोजनामा गरिएको परिक्षणमा कसैमा पनि कोरोना नभएको पाईएको हो ।
जिल्लामा गएको सोमबारबाट कोरोना भाइरसको र्यापिड टेष्ट सुरु भएको छ । पहिलो दिन जिल्लाको मन्थली नगरपालिकामा एक जनामा भएको र्यापिड टेष्ट रिपोर्ट पनि नगेटिभ आएको जिल्ला अस्पताल रामेछापका प्रमुख जितेन्द्र कुमार कर्णले जनता भ्वाइसलाई जानकारी दिनुभयो । हाल सम्ममा कोरोना संक्रमणका संकास्पद बिरामी भेटिएको छैन ।
