वैशाख २३,प्रविण मुनाल,
ओखलढुंगा । ओखलढुंगामा बोलेरो र मोटर साइकल एकआपसमा ठक्कर खाँदा एक जना घाइते भएका छन् । सिद्धिचरण नगरपालिका ११ मिसन अस्पताल नजिकै बोलेरो र मोटरसाइकल दुर्घटना हुँदा मोटरसाइकल पछाडी सवार मोलुङ गाँउपालिका १ की ५६ बर्षिय गंगामाया धमला घाइते हुनु भएको हो ।
टेकनपुरबाट बिरामी लिएर मिसन अस्पतालतर्फ जादै गरेको बा २० च ६८७१ नम्बरको बोलेरो र बिरामी लिएर फर्कदै गरेको प्रदेश नम्बर ३०२०११ प ३५५० नम्बरको मोटरसाइकल ठक्कर खाँदा घाइते धमलाको दाहिने खुट्टा भाँचिएको जिल्ला प्रहरी कार्यालय ओखलढुंगाका प्रहरी निरीक्षक मिलनसिंह बस्नेतले दिनु भएको छ ।
घाइते धमलालाई उपचारका लागि काठमाण्डौ रेफर गरिएको छ । बोलेरो र मोटरसाइकलमामा सवार अन्य सबैको अवस्था सामान्य छ । दुबै सवारी साधन र चालकलाई प्रहरीले नियन्त्रणमा लिएर अनुसन्धान सुरु गरेको छ ।
