वैशाख २७,
रामेछाप । रामेछाप जिल्लाको गोकुल गंगा गाउँपालिका वडा नं १ चुचुरेमा संसारीमाईको पूजा भव्य रूपमा सम्पन्न भएको छ । शनिबार उभौली पर्वको द्वितीय तिथिको अवसर पारेर पर्यटकिय क्षेत्र शिवालय बजारको शिव मन्दिर माथीको पानी ट्याकी छेउमा कुनै किसिमको प्राकृतिक आपत्ति, विपत्ति नपरोस् भनि परापूर्व कालदेखीनै पुजा गरिदै आएको छ । यो पटकको पुजामा विश्वलाई आतङ्कित पारेको कोरोना भाइरस संक्रमण विश्वबाटै हटोस् भनि देवीको पुजा गरिएको हो । साथै विश्व शान्तिको कामना गरिएको छ ।
पूजा बारेजानकारी दिदै स्थानिय तथा संसारीमाई पूजा ब्यवस्थापन समितिका कोषअध्यक्ष उमेश गुभाजुले भन्नुभयो- “परापूर्व कालदेखी मनाउदै आएको छ, खासगरी हावाबाट आउने रोगहरु नआवस् भनेर पूजा गरिन्छ, यो पटक पनि गर्यौ, ६-६ महिनामा गरिन्छ, उधौली र उभौली पर्वको अवसरमा एक-एक पाठीको देवीलाइ भोगदिने चलन छ, र यो प्रसादको रुपमा सबैलाइ पूजा स्थलमै प्रसादको रूपमा ग्रहन गरिन्छ ।”
भौतिक दूरी कायम गरि शनिबार गरिएको उक्त पुजामा पूरै बजारवासीहरुले शान्तिको कामना गरेका छन् । प्रत्येक वर्ष गरिने यो पूजामा त्यहाँ स्थित सल्लोको रूखमा रातो, सेतो धजा (आलम) वाँधी रूखको फेदमा विधिवत पूजा गरि सामूहिक रूपमा भाकल गर्ने प्रचनल रहेको गौरिशंकर संरक्षण क्षेत्र आयोजनाको ईलाका संरक्षण कार्यालय, शिवालयको ईन्चार्ज स्थानिय राजेन्द्र यादवले जानकारी दिनुभयो ।
शिवालय युवा कल्वको सक्रियता र स्थानिय बासीहरूको पहलमा आज धुमधामसंग पूजा गरिएको संसारीमाई पूजा ब्यवस्थापन समितिका अध्यक्ष एवं मन्दिरका पूजारी लोकध्वज कार्कीले यो पुजाको ऐतिहासिक महत्व रहेको बताउनुभयो । फोटो/ Rajendra Yadav बाट
