रामेछाप । नेपाली काँग्रेसको समुदायमा काँग्रेस कार्यक्रम गोकुलगंगा गाउँपालिका वडा नम्बर ४ बेतालीले शुक्रवार पनि सञ्चालनमा रहेको रामेछाप काँग्रेस सचिव दीइक खड्काले बताए । धेरै वडामा कार्यक्रमले औपचारिकता मात्र पाएको अवस्थामा बेतालीले भने चौथो दिन सडक र सडक आसपास सरसफाइ कार्यक्रम गरेको छ । शुक्रवार बेताली काँग्रेसले हलुवा डाँडा देखी बार्ने डाँडा सम्म सरसफाइ गरेको हो ।
जिल्ला प्रतिनिधिका रूपमा बेतालीमा खटिएका नेपाली काँग्रेसका जिल्ला सचिव खड्काले भने -“हामीले केन्द्रको निर्देशन अनुसार १० दिन कार्यक्रम सञ्चालन गर्ने योजनाका साथ अघि बढेका छौँ । आज चौथो दिन सडक सरसफाइ गरेका र्छौ । भोली पाचौं दिन टोल समिति सँग बसेर छलफल गर्ने छौँ । सबै टोल समिति समेट्ने कोसिसमा छौँ । केन्द्रको निर्देशन बमोजिम कार्यक्रम सञ्चालनको तयारीमा हामी छौँ ”।
जिल्ला कार्यसमिति सदस्य सिताराम कार्की,पूर्व पार्टी उपसभापति केदार कार्की, वडा सभापति देव शङ्कर सुनुवार, नेताहरू नानीबाबु बस्नेत, रामचन्द्र बस्नेत, वीर बहादुर कार्की, डम्बर कुमारी भण्डारी, प्रवीण सुनुवार लगायतका नेता कार्यकर्ता अभियानमा रहेका छन् ।
