रामेछाप । जिल्लाको उमाकुण्ड गाउँपालिका स्तरीय पाँचौँ राष्ट्रपति रनिङ शिल्ड प्रतियोगिता सुरु भएको छ । अन्तर माध्यमिक विद्यालय स्तरीय खेलकुद प्रतियोगिता बुधबार पालिकाका अध्यक्ष शेरबहादुर सुनुवारले दीप प्रज्वलन गरी उद्घाटन गरे।
उमाकुण्ड गाउँपालिका वडा नं. २ बाम्तीभण्डारको सिद्धेश्वर माध्यमिक विद्यालयको खेलमैदानमा सञ्चालित प्रतियोगिता मंसिर १२–१४ सम्म तिन दिन सञ्चालन हुने आयोजकले जनाएको छ । राष्ट्रपति रनिङ शिल्ड प्रतियोगितामा गाउँपालिका भित्रका सात वटा माध्यमिक विद्यालयहरूको सहभागिता रहेको छ।
छात्रछात्राको समूहमा भलिबल, कबड्डी र एथलेटिक्स गरी ३० वटा इभेन्टमा २४६ जना विद्यार्थीहरू बिच प्रतिस्पर्धा हुने उमाकुण्ड गाउँपालिकाका खेलकुद विकास समितिका अध्यक्ष सुदिप सुनुवारले बताए ।
उमाकुण्ड गाउँपालिका स्तरीय पाँचौँ राष्ट्रपति रनिङ शिल्ड सुरु
